ОЛ ЧҮҮЛ ЧҮГЕ ЧУГУЛА? «Күзээн-не кижи бо халас белекти — амыдырал хайырлаар сугну дозуп алзын» — деп, шилип чагдырган христианнар болгаш «өске хойлар» кыйгырып турарлар (Ажд 22:17). «Амыдырал хайырлаар суг» — дээрге, дыңнангыр улусту бачыт биле өлүмден хостаар дээш, Иегованың баш бурунгаар көрүп каан бүгү чүүлү. Аңгы-аңгы культуралыг болгаш чүдүлгелиг улуска дузалаарын күзээр-дир бис. Ынчангаш оларга «мөңге Буянныг Медээни» үлежирде улустуң хереглелдерин кичээнгейге алыры болгаш кижи бүрүзүнге таарымчалыг арга ажыглаары чугула (Ажд 14:6).

ОНУ КАНЧААР КЫЛЫРЫЛ?

• Сээң чурттап турар чериңде улуска сонуурганчыг темаларны болгаш библейжи шүлүктерни шилип ал. Үндезин кылдыр чугаа эгелээр сөстерни азы суртаал үезинде чедиишкинниг болган аргаңны ажыгла. Кандыг темаларны, шүлүктерни улус сонуургаар-дыр? Улус кандыг медээлер чугаалажыр-дыр? Эр улус-биле чүнүң дугайында чугаалажып болур, а херээжен улус-биле чүнүң дугайында?

• Сээң чурттап турар чериңде канчаар мендилежир, канчаар чугаалажыр чаңчыл барын кичээнгейге ал (2Кр 6:3, 4).

• Эптиг арга тыптып келгенде сүмелептер кылдыр суртаалдаар херекселдер аразындан видеороликтер, ном-дептерлер-биле таныжып ал.

• Сээң чурттап турар чериңде улустуң чугаалажыр дылында видеороликтерден, ном-дептерден киирип ал.

• Кижиниң хереглели ёзугаар чугааның темазын өскертип ал (1Кр 9:19—23). Чижээлээрге, чугаалажып турарың кижи чоокта чаа чидиригге таварышкан деп билип кааш, чугааны канчаар углаар сен?

«СУРТААЛДААР АРГА-МЕРГЕЖИЛИВИСТИ БЕДИДЕРИ. УЛУСТУҢ ХЕРЕГЛЕЛДЕРИН КИЧЭЭНГЕЙГЕ АП ЧОР» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Суртаалчы бажың ээзи-биле кандыг темага чугаалажып эгелээнил?

• Ол кижиниң чуртталгазында чүү болганыл?

• Бо таварылгада кандыг библейжи шүлүктер эң-не таарымчалыг болур? Чүге?

• Чугаалажып турарың кижиге сонуурганчыг болзун дээш, чугаа эгелээр сөстерни канчаар өскертир-дир сен?