ОЛ ЧҮГЕ ЧУГУЛА? Дыка хөй караа көрбес улус, танывазы кижилерден сестир боор. Ынчангаш оларга Библияның дугайында чугаалаар дээш, бистен тускай күжениишкиннер херек боор. Иегованың хоойлузунда караа көрбес улуска Ооң ынакшылы, сагыш човаашкыны көстүп турар (Лв 19:14). Бис Иегованы өттүнүп, оларга Бурган-биле харылзаа тудуп алырынга дузалап болур бис.

ОНУ КАНЧААР КЫЛЫРЫЛ?

• Караа көрбес улусту диле. (Мф 10:11). Өг-бүлезинде караа көрбес кижилер бар улусту билир сен бе? Сээң чыыжыңның девискээринде, чижээ, өөредилге чери азы хоочуннар бажыңы дээн ышкаш караа көрбес улуска тускай албан чери бар бе?

• Кижилерге шын сеткилиң-биле сонуургалың көргүс. Сээң эвилең-ээлдээң, чазык-чаагайың караа көрбес кижини чугаалажырынче оттурар. Сээң чурттап турар чериңде улуска сонуурганчыг темага чугаалажырын кызыт.

• Бурганче чоокшулаарынга дузала. Бистиң организациявыс караа көрбес азы көөрү багай улустарга ном-дептерни аңгы-аңгы формат азы хевирлерде үндүрүп турар. Аңаа кандыг формат эптиин айтыр. Бараалгал хайгааракчызы ындыг улуска парлаан чүүлдү чагыдып тургаш, оларга тааржыр форматты айытканын хынаар ужурлуг.