Иаков дээрниң төлээзи-биле дыка чугула чүүл — Иегованың йөрээлин алыр дээш демисежип турган (Эд 32:24—31; Ос 12:3, 4). А бисте ындыг күзел бар бе? Иегованың йөрээлин алыр дээш, Ону дыңнап, болдунар-ла чүвени кылырынга база белен бис бе? Ажыл шагын эртир ажылдаарын азы христиан чыышче баарын шилиир апарган дижик, канчаар бис? Иеговага бодувуста бар эң дээре дээн чүүлдеривис — үевисти, күжүвүстү болгаш акша-хөреңгивисти сөңнээривиске, Ол бисти элбээ-биле йөрээп турар (Мл 3:10). Бистиң Бурганывыс кезээде чанывыста, Ол бисти камгалап, бүгү херек чүүлдү берип турар (Мф 6:33; Евр 13:5).

«ВСЕГДА ПОМНИТЕ О СВОИХ ДУХОВНЫХ ЦЕЛЯХ» ДЕП ВИДЕОРОЛИКТИ КӨРГЕШ, БО АЙТЫРЫГЛАРГА ХАРЫЫЛА:

• Ынак ажылы угбавыска канчаар шенелде апарган?

• Ажылывыс биске канчаар какпа апарып болур?

• Тимофей чедиишкиннеринге доктаавайн, чаа сорулгаларны чүге улаштыр салыр ужурлуг турган? (1Тм 4:16).

• Иеговага бараалгал — биске эң-не чугула ажыл деп кандыг херектеривис бадыткап турар?