Дүрзү-бурганнарга чүдүүрүн хоруп турар хоойлу тыптып кээриниң мурнунда-ла, Иегова долузу-биле бердинген чорукка төлептиг, деп Иаков билир турган (Хос 20:3—5). Ынчангаш Иаковка Вефилче эглирин Иегова чугаалаарга, ол бодунуң улузунга, чалчаларынга дүрзү-бурганнардан арыгланып алырын айыткан. Иаков дүрзү-бурганнарны, сагыызын-сыргаларны чыггаш, олардан адырлып алган (Эд 35:1—4). Иаков ону кылырга, Иегова таарзынган.

А бис чүгле Иеговага канчаар шынчызы-биле бердинген бооп болур бис? Дүрзү-бурганнарга чүдүүрү азы караң көрнүр чүүл-биле холбашкан бүгү чүүлден ойталаары чугула. Чижээлээрге, караң көрнүр чүүлге хамаарылгалыг эдилелдерден адырлыр ужурлуг бис. Оюн-тоглаага база хынамчалыг болур болзувусса эки. Бодуңдан айтыр: «Вампирлер, зомбилер азы хуулгаазын чүүлдер дугайында фильмнер сонуургаар мен бе? Илби-шидини, илбилиг сөстерни азы каргыш салырын кем чок, каттырынчыг кылдыр көргүскен оюн-тоглааны шилип ап турар мен бе?» Иегованың көөр хөңнү чок шупту чүүлдерден ырак чоруурун күзээр бис (Ыр 96:10).

«ПРОТИВОСТАНЬТЕ ДЬЯВОЛУ» ДЕП ВИДЕОРОЛИКТИ КӨРГЕШ, БО АЙТЫРЫГЛАРГА ХАРЫЫЛА:

• Иегованың Херечилери-биле Библияны өөренип турган Палесаның чуртталгазынга чүү болганыл?

• Караң көрнүр чорукка хамаарышкан таварылгаларда, хуралдың удуртукчуларындан дуза дилээри чүге чугула?

• Иегова бисти камгалаар кылдыр чүден адырлып алыр ужурлуг бис?

• Палеса чүнү канчалган?

• Буктардан канчаар камгаланып болур сен?