«Бурганның Чагыргазының дугайында Буянныг Медээни» Иисус суртаалдап чораан (Лк 4:43). Ол Чагырга дугайында база мөргүүрүн чонга өөредип турган (Мф 6:9, 10). Ноябрьда Бурганның Чагыргазының дугайында болдунар-ла болза, хөй улуска чугаалаар күзелдиг бис (Мф 24:14). Кампанияга идепкейлиг киржир кылдыр графигиңни өскертип болур сен бе? Бо айда дузаламчы эгелекчилер — 30 азы 50 шакты шилип ап болур.

Бурганның Чагыргазының дугайында кандыг-бир шүлүктү шилип алгаш, сээң чурттап турар чериңде эки хөй кижилер ону билип алыр кылдыр болдунар-ла чүвени кыл. Шүлүктү шилиирде оларның шажынчы үзел-бодалын кичээнгейге ал. Чугаалашкан кижи сонуургалдыг болза, «Таңныыл суургазының» тарадыр үндүрүлгезин сүмеле (№2 2020). Ооң соонда ол кижиге дүрген-не катап баргаш, бистиң суртаалдаар херекселдеривистен тааржыр ном-дептерниң дузазы-биле, библейжи кичээлди эгелеп алырын кызыт. Үе көңгүс эвээш арткан: удавас Бурганның Чагыргазы Бурганның эргезинге удурланып турар шупту чазактарны узуткап каар (Дан 2:44; 1Кр 15:24, 25). Ынчангаш бо тускай кампанияга чүткүлдүү-биле киржиилиңер — ынчалдыр Иеговага болгаш Ооң Чагыргазынга бердингенивисти көргүзер бис!