Сен долу бараалгап, 23 хардан 65 хар аразында назылыг сен бе? Кадыың эки болза, суртаалчылар херек черге бараалгап болур сен бе? Бо айтырыгларга ийе деп харыылаан болзуңза, Чагырга медээчилериниң школазынга өөренирин чүге бодап болбас деп? Ол школага муң-муң өг-бүлелер база бот акы-угбалар өөренген. Ынчалза-даа ам-даа бот акылар дыка херек. Иисустан үлегер алыр, Бурганның күзелин күүседир күзелиңни өстүрерин Иеговадан диле (Ыр 39:9; Мф 20:28; Евр 10:7). Оон аңгыда ол школага өөренир дээш, акша-төгерикке хамаарышкан болгаш өске-даа хүлээлгелериңни канчаар кызырып болурун бодап көр.

Ол доозукчуларга бараалгаар кандыг аргалар ажыттынып кээр? Оларның чамдыктарын өске дылдыг черлерге суртаалдаар азы улуг хоорайларга хөй-ниити черлеринге тускай организастаттынган бараалгалга шилээн. Өске доозукчуларны чоорту кожуун хайгааракчызының оралакчылары, кожуун хайгааракчылары азы миссионерлер кылдыр томуйлаан. Иеговага бараалгаар аргалар дугайында боданып, Исайя медээчиниң ышкаш хөөннү сайзырат: «Мен! Мени айбылап чорудуп көрем!» (Иса 6:8).

«МИССИОНЕРЛЕР ДҮЖҮТ АЖААЛДАЗЫНГА ЧҮТКҮЛДҮГ КИРЖИП ТУРАР» ДЕП ВИДЕОРОЛИКТИ КӨРГЕШ, БО АЙТЫРЫГЛАРГА ХАРЫЫЛА:

• Кымнарны миссионерлер кылдыр томуйлаар?

• Миссионерлер кандыг ажыл кылып турар?

• Миссионерлерниң бараалгалы кандыг өөрүшкүнү эккеп турар?