Бачыт үүлгеткеш, буруузун миннивес улусту чыыштан үндүрүптери дээрге, өске бараалгакчыларга камгалал, а бачыт үүлгеткен улуска кеземче хемчээли-дир (1Кр 5:6, 11). Иеговага бо айтырыгга хамаарыштыр дыңнангыр чоруувус ынакшылывыстың дугайында херечилеп турар. Аңаа хамаарылгалыг шупту улус, ооң санында чоок улузу болгаш шииткел комитединиң удуртукчулары, улуг аарышкы миннир болганда, ону канчап ынакшылдыы-биле кылган хемчег дээрил?

Бир-ле дугаарында, ынакшылды Иеговага база Ооң ыдыктыг дүрүмнеринге илередип турар бис, чүге дизе Ооң ат-алдары биске чугула болгай (1Пт 1:14—16). Үндүрткен кижиге база ынакшылды илередип турар бис. Ындыг шыңгыы хемчег аарышкылыг-даа болза, «шынчы чоруктуң амыр-тайбың дүжүдүн ажаап алыр» бис (Евр 12:5, 6, 11). Бир эвес чыыштан үндүрткен азы ойталаан кижи-биле улаштыр харылзажыр болзувусса, Иеговага ону кижизидеринге шаптыктаар бис. Сактып чоруңар, Иегова Бодунуң бараалгакчыларын «чөптүү-биле кезедир» (Иер 30:11). Иегованың кеземче хемчеглерин деткип, Ооң-биле быжыг хамаарылгалыг болуулуңар! Ындыг болгуже, үндүрткен кижи энерелдиг Адавысче эглип кээр деп идегээр бис (Иса 1:16—18; 55:7).

«БҮГҮ СЕТКИЛ-ЧҮРЭЭВИС-БИЛЕ БУРГАНГА БЕРДИНГЕН ЧОРУКТУ КАДАГАЛААР БИС» ДЕП ВИДЕОРОЛИКТИ КӨРГЕШ, БО АЙТЫРЫГЛАРГА ХАРЫЫЛА:

• Оглу азы уруу Иеговадан чоруй баарга, христиан ада-иелер чүнү миннир?

• Чоок кижизи Иегованың Херечизи эвес апарган акы-угбаларны чыыш канчаар деткип болур?

• Иеговага бердинген чорук чоок улузунга бердингенинден артык күштүг болур ужурлуг деп, Библияда кандыг төөгү көргүзүп турар?

• Иеговага бердинген чорук чоок улузунга бердингенинден артык чугула деп чүден көскү боор?