Бо өртемчей чурттап артар бе?

Чаңгыс-даа өске салгал үе төнчүзүнүң дугайында бо хире чугаалар дыңнаваан. Чоннуң хөй кезии үениң төнчүзү ядролуг халап-биле келир деп коргуп турар. Өскелерниң бодалы-биле, өртемчей бойдустуң хирлениишкининиң түңнелинде чок болур. Үшкүлер — экономиктиг чөрүлдээлер эмгежок кижилерни бот-боттарынга удур кылдыр хөөннептер деп сагыш човап турарлар.

Бо өртемчей шынап-ла төнчүзүнге чедип кээп болур бе? Бир эвес шын болза, ол чүнү илередип турар ирги? Мооң мурнунда кажан бир өртемчейниң төнчүзү турган бе?

Бир өртемчей төнчүзүнге келирге — өскези ону солуп турар

Ийе, бир өртемчейниң төнчүзү турган. Нойнуң хүннеринде аажок каржы апарган өртемчейже көр даан. Библияның тайылбырлап турары-биле: «Ынчангы өртемчейни суг халап дүлүп киирипкен». Оон ыңай Библия мынча деп турар: «[Бурган] бир дугаар өртемчейни кээргевээн, ынчалза-даа кажан каржы улустуң өртемчейинче суг халавын халдадып тура, шынның Суртаалчызы Нойну болгаш ооң сес кижиден тургустунган өг-бүлезин камгалап алган» (2 Петрдан 2:5; 3:6).

Ол өртемчейниң төнчүзү чүнү айтып турарынче болгаш чүнү айытпайн турарынче кичээнгейиңни салып көр. Ол болза кижи төрелгетенниң төнчүзүн айытпаан. Ной болгаш ооң өг-бүлези бүгү өртемчейге болган суг халапты ажып эрткеннер. Шак-ла ынчалдыр чер деп бөбүрзек болгаш чараш сылдыстыг дээр бүдүн арткан. «Каржы улустуң өртемчейи», каржы чүвениң бөлүү өлген.

Үелер эрткенде, Нойнуң салгалы көвүдеп, өске өртемчей тургустунган. Ол ийиги өртемчей, азы чүвелер бөлүү бистиң хүннерге чедир туруп келген. Ооң төөгүзү дайын, кем-херек үүлгедиглери болгаш күчүлел-биле долган. Бо өртемчей-биле чүү болурул? Ол чурттап артар ирги бе?

Бо өртемчейниң келир үези

Нойнуң хүннеринде өртемчей узуткалды ажып эрткен деп сөстерниң соонда, Библия улаштыр мынча деп турар: «Ол-ла Сөстүң  тудуп турары амгы дээр болгаш чер өрт халапка камнаттынып турар» (2 Петрдан 3:7). Шынап-ла, херектиң ужуру Библияның өске бижикчизиниң тайылбырлааны дег болуп турар: «[Бо хүнгү турар] өртемчей эртип турар» (1 Иоанндан 2:17).

Библияныы-биле бо чер болгаш сылдыстарлыг дээр, Нойнуң хүннеринде чиде бербээни дег, чиде бербес (Ырылар 103:5). Аңаа удур, бо өртемчей, ооң «дээри» азы Эрликтиң салдарында турар күрүне башкарылгалары өрт халап-биле узуткаттынар (Иоанндан 14:39; 2 Коринфчилерге 4:4). Бо өртемчей азы чүвениң бөлүү, суг халавының мурнунда турган өртемчей дег, тодаргай узуткаттынар. Иисус Христос безин, бо өртемчейниң төнчүзүнүң мурнунда болур ужурлуг чүүлдерни тайылбырлаарда, «Нойнуң хүннеринде» байдалды чижек кылдыр ажыглаан (Матфейден 24:37—39).

«Сээң чедип келириңниң болгаш үе төнчүзүнүң демдээ чүл?» — деп өөреникчилериниң айтырыынга харыылап, Иисус Нойнуң хүннерин сагындырганы онзагай (Матфейден 24:3). Иисустуң салгакчылары бо өртемчей төнчүзүнге келир деп билип турганнар. Оларны ол сорулга коргудупкан бе?

Аңаа удур, кажан Иисус өртемчейниң төнчүзүнүң мурнунда болур ужурлуг болуушкуннарны тодарадып тургаш, өөреникчилерин өөрүүр кылдыр сеткилдерин амыраткан, «чүге-дизе оларның хосталыры чоокшулап олурган» (Лукадан 21:28). Ийе, тайбың чаа өртемчейге чурттаары дээш Эрликтен болгаш ооң каржы чүвелериниң хевиринден хосталыры (2 Петрдан 3:13).

Ынчалза-даа кажан өртемчей төнчүзүнге келирил? Иисус бодунуң «келиринге болгаш үе төнчүзүнге» кандыг «демдек» бергенил?

«Демдээ»

Парусия деп грек сөстүң мында «келири» — деп очулдуртунганы «бар болурун» айтып турар, тодаргайлаарга бары. Ынчангаш кажан «демдээ» көстүп келирге, Христостуң удавас келирин эвес,  а чедип келгенин айтыр. Ол көзүлбес арга-биле дээрден хаан болуп башкара берген болгаш удавас бодунуң удурланыкчыларын чок кылырын айтыр ужурлуг (Ажыдыышкын 12:7—12; Ырылар 109:1, 2).

Иисус «демдек» кылдыр чүгле чаңгыс болуушкунну айытпаан. Ол хөй делегей болуушкуннарын болгаш байдалдарын тодаргайлап чураан. Олар шупту Библияның «сөөлгү хүннер» деп бижип турары үеде болур ужурлуг (2 Тимофейге 3:1—5; 2 Петрдан 3:3, 4). Иисустуң, баш удур чугаалааны, «сөөлгү хүннеринге» характеристика бээр ужурлуг кезек чүүлдерин көрээлиңер.

«Чон өске чонче, күрүне өске күрүнеже тура халыыр» (Матфейден 24:7). Бистиң үевисте дайыннар, кажан бир мурнундаазындан, улуг хемчээлдиг болган. Бир төөгүчүнүң эскерии: «[1914 чылда эгелээн] бирги делегей дайыны бир дугаар «тоталдыг» дайын болган». Ынчалза-даа ийиги делегей дайыны оон-даа коргунчуг үрегдээшкиннерлиг болган. Ынчалдыр дайыннар черни хоозуратпышаан. Ийе, Иисустуң сөстери сагыш-сеткилге аар кударалдыг болуп бүткен!

«Аъш-чем чедишпес болур» (Матфейден 24:7). Бирги делегей дайынының соонда, төөгүде болбаан эң улуг аш-чут эгелээн. Коргунчуг аш ийиги делегей дайынының соонда база уламчылаан. Тоттур чемненмезиниң айыылы черниң чурттакчыларының барык бешки кезиинге дээп, чылдың-на 14 млн. чаштарны амы-тынындан чарып турар. Аш-чут шынап-ла бар!

«Улуг чер шимчээшкинери болур» (Лукадан 21:11). 1914 чылдан эгелээш, мооң мурнунда чүс чылдарга бодаарга, чер шимчээшкиннеринден ортумаа-биле чылдың-на 10 катап хөй кижилер амы-тынындан чарлып турар. Кичээнгейиңни чүгле чамдык улуг чер шимчээшкиннеринче углап көр: 1920 чыл, Кыдат, 200 000 кижилер өлүрткеннер; 1923 чыл,  Япония, 140 000 чидириглиг болган; 1939 чыл, Турция, 32 700 өлүмнүг түңнелдер; 1970 чыл, Перу, 66 800 өлүрткеннер болгаш; 1976 чыл, Кыдат, 240 000 хире (а чамдык үндезиннерден 800 000) чидириглер. Ылап-ла «улуг чер шимчээшкиннери»!

«Бир черге өске черден улаштыр эпидемиялар» (Лукадан 21:11, НМ). Бирги делегей дайынының соонда, дораан-на испанкадан 21 млн. хире кижи өлген. «Сайенс дайджест» (Science Digest) сеткүүл дараазында дыңнадыг кылган: «Төөгүге өлүмнүң моон өршээл чок болгаш дүрген халдаашкыны болбаан». Ол үеден эгелээш, чүрек аарыглары, рак, СПИД болгаш оон-даа өске халаптар чүс-чүс миллион кижилерни амы-тынындан чарган.

«Хоойлу-дүрүм чок чоруктуң көвүдээри» (Матфейден 24:12). 1914 чылдан эгелеп бистиң делегейивис кем-херек үүлгедиглериниң болгаш күчүлелдиң өртемчейи болу бергени билдингир. Черниң барык хөй кезиинде, чырык хүндүс безин, кым-даа бодун айыыл чок байдалда мен деп санавас апарган. Дүнелерде кижилер даштыгаар үнеринден корткаш, хаап алган эжиктерин безин быжыглааш, бажыңнарындан үнместээн.

Сөөлгү хүннерде оон-даа хөй өске чүүлдер болуп эртерин баш удур чугалаан турган. Олар база-ла шупту бүдүп турар. Олар үе төнчүзүнүң чоокшулап олурарын айтып турар. Ынчалза-даа, аас-кежик болуп, ону чурттап эртер кижилер база турар. «Өртемчей эртип турар» — деп сөстерниң соонда, Библия: «Бурганның  күзелин күүседип турар кижи мөңге чурттап артар» — деп аазап турар (1 Иоанндан 2:17).

Ынчангаш биске Бурганның күзелин билип алыры болгаш ону күүседири чугула. Ынчан бис бо өртемчейниң төнчүзүн шыдажып эрткеш, Бурганның чаа тайбың өртемчейиниң йөрээлдерин мөңге ажыглап болур бис. Библияның аазааны-биле, ол үеде «Бурган оларның карааның чажын аштап бээр, өлүм база турбас, ыы-сыы-даа, алгы-кышкы-даа, аарыглар-даа турбас» (Ажыдыышкын 21:3, 4).

Шупту Библияның цитаталары Библияның Синодалдыг очулдурулгазындан алдынган.

[7 дугаар арын, чурукка хамаарышкан информация]

Фотографии предоставили: самолет: USAF photo; ребенок: WHO photo by W. Cutting; землетрясение: Y. Ishiyama, Hokkaido University, Japan.