Бурганның өңнүү болуруңну Ол боду күзеп турар. Октаргайда эң улуг Дээргиниң өңнүү болуп болур мен деп, кажан бир, боданган сен бе? Бурунгу шагда чурттап чораан Авраам, Бурганның өңнүү деп адаткан (Иаковтан 2:23). Библияда бижиттинген өске-даа кижилер Бурган-биле өңнүктешкенинге өөрүп, хөйү-биле йөрээтиргеннер. Бөгүн бүгү делегейден кижилер Бурганның өңнүктери апарып турар. Сен база Бурганның өңнүү болуп болур сен.

Бурганның өңнүү болуру, кандыг-даа кижиниң өңнүү болурундан эки. Бурган бодунуң бердинген өңнүктериниң кажан-даа чөгелин төндүрбес (Ырлар 17:26, ПО). Бурганның өңнүү болуру, бай болурундан эки. Бай кижи өлүрге өскелер ооң өнчүзүн ээлеп алыр. Бурганның өңнүктери өскелер хунаап ап шыдавас эртинелиг (Матфейден 6:19).

Чамдык кижилер Бурган-биле таныжарыңга шаптыктаар. Оларның аразында сээң эш-өөрүң, төрелдериң-даа болур чадавас (Матфейден 10:36, 37). Бир эвес кыжырыырлар, кыжанырлар бар болза: кымның күзелин хандырыксаар мен — кижилерниң бе азы Бурганның бе деп бодуңдан айтыр. Бир кижи чемненбе дээр болза, ону дыңнаар сен бе? Чок, дыңнавас сен! Чурттаарынга чем херек болгай. Ынчалза-даа Бурган сени мөңге чурттаар кылдыр кылып болур! Ынчангаш Бурганның өңнүү болур билиглер алырыңга кымны-даа шаптыктатпа (Иоанндан 17:3).