Найыралды үзүктелдирбес дизе, өңнүү-биле үргүлчү чугаалажыр. Сен ону, ол сени дыңнаар. Өске кижилерге өңнүүң дугайында экини чугаалаар болгай сен. Бурган-биле найырал база ындыг. Библияда мооң дугайында чүнү чугаалааныл, боданып көрем:

Мөргүл таварыштыр Иегова-биле үргүлчү чугаалаш. «Мөргүлге доктаамал... болуңар» (Римчилерге 12:12).

Бурганның Сөзү — Библияны номчуп чор. «Шупту Бижилгелер Бургандан сорук кииртинген болгаш өөрениринге, сойгалаарынга, эттинеринге ажыктыг» (2 Тимофейге 3:16).

Бурганның дугайында өскелерни өөрет. «Шупту чоннардан барып өөреникчилерден белеткеңер... айыткан чүүлүмнү сагыырын өөретпишаан» (Матфейден 28:19, 20).

 Бурганның өңнүктери-биле чоокшулаш. «Мерген угаанныглар-биле эштешкен кижи, мерген угаанныг болур» (Притчалар 13:20).

Хуралдаар Залда ужуражыышкыннарже барып тур. «Ынакшылче болгаш эки чоруктарже деткижип... бот-боттарывыска кичээнгейлиг болуулуңар» (Еврейлерге 10:24, 25).

Бурганның чазааның херээн деткип чор. «Кижи бүрүзү чүрээнде канчаар бодап алган ону күүсетсин, күзел чок азы албадаашкын-биле эвес, чүге дизе Бурган күзели-биле бергенге ынак» * (2 Коринфчилерге 9:7).