Бурганның кол дайзыны — Удурланыкчы Эрлик. Ол Иеговага удурланып үнген ангел. Бурганга удур демисежирин уламчылап, кижилерге хөй ажыг-шүжүгнү Эрлик эккеп турар. Эрлик каржы. Ол мегечи болгаш өлүрүкчү (Иоанндан 8:44).

Өске ангелдер Эрликке каттышкаш, Бурганга удур тура халышкан. Библия оларны буктар деп адаан. Буктар, Эрлик ышкаш, кижилерниң дайзыннары. Кижилерни хилинчектээри оларга эки (Матфейден 9:32, 33; 12:22). Эрлик болгаш ооң буктарын Иегова мөңгеде узуткаар. Оларның кижилер хилинчектээр үези эвээш арткан (Ажыдыышкын 12:12).

Бурганның өңнүү болур күзелдиг болзуңза, Эрликтиң күзелин күүсетпес ужурлуг сен. Эрлик болгаш буктар Иегованы көөр хөөн чок. Олар сени Бурганның дайзыны болзун деп күзеп турарлар. Кымны дыңнаарын шилиир ужурлуг сен: Эрликти бе, азы Иегованы бе? Мөңге чурттаксаар болзуңза, Бурганның күзелин күүседирин шилиир ужурлуг сен. Кижилерни мегелээриниң кажар аргалары Эрликте хөй. Ол кижилерниң хөй кезиин будулуушкунга киирген (Ажыдыышкын 12:9).