Библияны номчааш, Иегованың дугайында хөйнү билип ап болур сен. Бурунгу шагда Бодунуң бодалдарын бижизин дээш, Бурган тускай кижилерни шилип ап турган. Ол бижилгелерни Библия дээр. Бөгүн Библияны номчааш, Бурган-биле таныжып алыр бис. Библия Иегованың сөзүнден азы чоргускан бижиинден тургустунган болгаш ону Бурганның Сөзү дээр. Иегова кажан-даа мегелевес, ынчангаш Библияга бүзүреп болур бис. «Бурганга мегелээри болдунмас» (Еврейлерге 6:18). Бурганның Сөзү шын-биле долган (Иоанндан 17:17).

Бурганның биске берген эң үнелиг белектериниң бирээзи — Библия. Ону ынак аданың уругларынга чагаазы-биле дөмейлеп болур. Бурганның чер кырынга кайгамчыктыг оран — дываажаң кылыр дээн аазаашкынын ол чугаалап турар. Бурган эрткен үелерде чүнү кылып турганыл, ам чүнү кылып турарын база келир үеде, бодунуң бердинген төлдеринге чүнү кылып бээрин Библия чугаалап турар. Бистиң нарын айтырыгларывысты шиитпирлээринге болгаш аас-кежикти тыварынга дузаны берип турар (2 Тимофейге 3:16, 17).

 Иегованың Херечилери — Бурганның өңнүктери-дир, олар Библия чүге өөредип турарын билип алырыңга дузалажыр. Библияны өөрениксеп турарыңны оларга чугаала. Өөредип турары дээш олар акша албас (Матфейден 10:8). Христиан ужуражыышкыннарже кээп болур сен. Олар тускай чүдүлге залдарында болуп турар. Христиан ужуражыышкыннарже баар болзуңза, Бурганның дугайында хөйнү билип алыр сен.

Бурганның дугайында хөйнү, Ооң чаяалгаларын шинчилевишаан, билип алыр сен. Чижээлээрге, Библияда: «Бурган дээрни болгаш черни чаяаган» — деп бижээн (Бытие 1:1). Иегова «дээрни» чаяап тура, хүннү кылган. Бурганның дугайында ол чүнү чугаалап берип болурул? Иегованың канчаар-даа аажок улуг күштүүн оон билип алыр бис. Чүгле Иегова ындыг улуг, чырык хүннү кылып шыдаар. Оон ыңай Иегованың мерген угаанныын билип ап болур бис. Чүге дизе чылыгны, чырыкты херелдендирип турар хүннү өртенмес кылдыр кылырда, мерген угаан херек.

Иегованың чаяалгалары Ооң биске ынаан көргүзүп турар. Черде хөй янзылыг чимистерни бодап көр. Иегова биске чүгле чаңгыс хевирниң чимизин берип болур турган, азы шуут чүнү-даа бербейн барып база болур турган. Ынчалза-даа Иегова биске аңгы-аңгы хевирлерлиг, хемчээлдиг, өңнерлиг, амданныг янзы-бүрү чимистерни берген. Олар Иегованы — ынак, берингир, буянныг, сагыш човангыр Бурган деп көргүзүп турар (Ырлар 103:24).