Дываажаң амгы чурттап турар өртемчейивиске дөмей болбас. Чер кыры: муңгарал, кударал, аарышкы болгаш човалаң-биле долзун деп Бурган күзевээн. Бурган чер кырын удавас Дываажаң кылдыр өскертир. Ол Дываажаң кандыг болурул? Библияда чүнү чугаалааныл, көрээлиңер:

Эки кижилер. Дывааажаң — Бурганның өңнүктериниң ораны болур. Олар бот-боттарынга чүгле экини кылырлар. Олар Бурганның шын оруунга дүгжүп чурттаарлар (Притчалар 2:21).

Элбек аъш-чем. Дываажаңга аш турбас. «Черге хлеб [азы чем] элбек болур» — деп Библия чугаалап турар (Ырлар 71:16).

Кайгамчык чараш бажыңнар болгаш күзел ханар ажыл. Дываажаң чер кырынга өг-бүле бүрүзү хууда бажыңныг болур. Кижи бүрүзү үре-түңнелдиг ажылдыг болур (Исаия 65:21—23).

 Бүгү делегейге тайбың. Кижилер дайылдашпас, дайыннар дээш кижилер өлбес. «[Бурган] дайынны соксаткан» — деп Бурганның Сөзүнде бижээн (Ырлар 45:9, 10).

Эки кадыкшыл. «[Дываажаңга] чаңгыс-даа чурттакчы «аарыг мен дивес» — деп Библияда аазаан (Исаия 33:24). Аскак, көрбес, дыңнавас, үн чок кижилер турбас (Исаия 35:5, 6).

Аарыглар, кударал болгаш өлүм чиде бээр. «Өлүм турбас, кажыыдал-даа, алгы-кышкы-даа, аарыглар-даа турбас. Бурунгузу эрткен» — деп, Бурганның Сөзү чугаалап турар (Ажыдыышкын 21:4).

Каржы кижилер турбас. «Хоойлуга дүүшпестер черден хыдыдар, кара сагыштыглар аймаа-биле узуткаттынар» — деп Иегова аазаан (Притчалар 2:22).

Кижилер бот-боттарынга ынак болгаш хүндүлежир. Моон соңгаар чөптүг эвес чорук, дарлал, чазый чорук, көөр хөөн чок чорук турбас. Кижилер аразынга эп-найырал тургустунар. Олар Бурганның шын оруунга аяннажып чурттаар (Исаия 26:9).