Бир эвес магадаарың, хүндүлээриң өңнүүң бар болза, аңаа дөмейлежирин кызар болгай сен. «Бурган буянныг болгаш шынныг» — дээн, Библияда (Ырлар 25:8 «Танах», Д. Иосифон [24:8]). Бурганның өңнүү болур дизе, эки чаңныг болгаш шынчы болур ужурлуг бис. «Эргим чаштар дег Бурганны өттүнүңер, ынак болуңар» (Ефесчилерге 5:1, 2). Экини канчаар кылырының каш-ла аргалары бо:

Дузалажырынга белен бол. «Кижи бүрүзүнге ачыны чедирер бис» (Галаттарга 6:10).

Кызымаккай ажылда. «Ооржу чораан кижи моон соңгаар оорлавайн, бодуңнуң холдарың-биле ажыктыг чүүлдерни кылып, кызымаккай ажылда» (Ефесчилерге 4:28).

Мөзү-шынарың болгаш мага-бодуң арыг бол. «Арыг шынчывысты тергиидетпишаан, Бурганны хүндүлеп, мага-бодувусту болгаш сагыш-сеткиливисти бужартадып турар чүүлдерден арыглаалыңар» (2 Коринфчилерге 7:1).

 Өг-бүлең кежигүннеринге ынак болгаш хүндүткелдиг бол. «Кижи бүрүзү кадайынга бодунга дег ынак болзун, кадайы ашаанга ханы хүндүткелдиг болуру чогуур. Уруглар, ада-иеңерни дыңнаңар» (Ефесчилерге 5:33—6:1).

Өскелерге ынакшылың көргүс. «Бот-боттарывыска ынак болуулуңар, чүге дизе ынакшыл Бургандан» (1 Иоанндан 4:7).

Чурттуң хоойлузун сагы. «Кижи бүрүзү [чазакка] башкартсын... Кижи бүрүзүнге чогуур чүүлдерни бериңер: кымга үндүрүг — үндүрүгнү» (Римчилерге 13:1, 7).