Ам черде болуп турар бүгү каржы чүүл, Дываажаң чоок деп чугаалап турар. Дываажаң келириниң бетинде, коргунчуг үелер көөр бис деп Библияда баш удур чугаалаан. Ам ындыг үеде чурттап турар бис! Библияда баш удур чугаалаан чамдык болуушкуннар бо:

Улуг дайыннар. «Чон чонче, база күрүне күрүнеже тура халыыр» (Матфейден 24:7). Бо баш удур чугаалаан чүүл күүсеттинген. 1914 чылдан бээр ийи делегей дайыны болгаш биче хемчээлдиг дайыннар болган. Ол дайыннарга сая сая кижилер өлген.

Аарыглар тараары. «Чер-черлерге хамчык аарыглар нептерээр» (Лукадан 21:11). Бо сөстер күүсеттинген бе? Ийе. Рак, чүрек аарыглары, туберкулез, малярия, СПИД болгаш өске-даа аарыглар сая сая кижилерни амы-тынындан чарган.

Аъш-чемниң чедишпези. Бүгү делегейде аъш-чеми чедишпес улус бар. Чыл бүрүзүнде сая сая кижилер аштан өлүп турар. Бо Дываажаң удавас дүжериниң база бир демдээ. Библияда аъш-чем чедишпес болур деп чугаалаан (Марктан 13:8).

 Чер шимчээшкиннери. «Чер-черлерге... чер шимчээшкиннери болур» (Матфейден 24:7). Бо база бистиң үевисте күүсеттинген. 1914 чылдан саядан хөй кижилер чер шимчээшкининден өлген.

Каржы кижилер. Кижилер «акшага ынак» болгаш «бодунга ынак» болур. Олар «Бурганга ынак эвес, чыргаарынга ынак» болур. Ажы-төл «ада-иезинге чагыртпас» болур (2 Тимофейге 3:1—5). Бөгүн дыка хөй кижилер мындыг деп чөпшээрежир сен бе? Оларда Бурганга хүндүткел чок, Бурганның дугайында билип алырын кыскан улуска моондак болуп турарлар бар.

Кем-херек үүлгедиишкини. База «хоойлу-дүрүм сагывазы көвүдээр» (Матфейден 24:12). Эрткен каш чылдарга бодаарга, бөгүн хөй кем-херек үүлгеттинип турар деп чөпшээрежир боор сен. Кайда-даа улус үптээшкинден, мегеден азы өске каржы чүүлден когарап болур.

Бо бүгү Бурганның Чазаа чоок деп көргүзүп турар. «Ол бүгүнүң боттанып эгелээнин көргеш Бурганның Чазаа чоокшулап келгенин билип алыңар» (Лукадан 21:31). Бурганның Чазаа деп чүл? Ол дээрге Бурганның дээрде чазаа, чер кырын Дываажаң болдурар чазаа. Бурганның Башкарылгазы кижилерниң башкарылгазын солуур (Даниил 2:44).