Сээң илби-шидилээриңни Эрлик күзеп турар. Хөй-хөй кижилер боттарын айыылдан камгалаар дээш, ада-өгбелериниң сүнезининге өргүл эккеп турар. Ону олар көзүлбес өртемчейниң күштеринден коргар болгаш кылып турарлар. Илбилиг билзектерни азы билектээштерни олар эдилеп чоруурлар. Оларның бодалы-биле алырга, кандыг-ла бир күштүг ышкаш сагындырар, «кара эмнерни» ижип азы мага-бодунга чаап турарлар. Чамдык кижилер оларны камгалаар күштүг деп бодап, бажыңнарында азы девискээринде кандыг-бир эдилелдерни шыгжап турар. Өскелер илбилиг «кара эмнерни» ажыл-ижинге, школачы шылгалдаларга, болчагга чедиишкинни экээр деп бодааш, ажыглап турарлар.

Эрликтен эң эки камгалал — Иегованың өңнүү болуру. Иегова Бурган болгаш Ооң ангелдери Эрлик болгаш ооң буктарындан артык улуг күштүг (Иаковтан 2:19; Ажыдыышкын 12:9). Ылап-ла бердинген өңнүктерин деткиир күжүн ажыглаарынга Иегова белен (2 Чыл Бижилгези 16:9).

«Төлгелевеңер» — деп Бурганның Сөзүнде бижиттинген. Иегова илби-шидини болгаш караң көрнүрүн буруулуг деп көрүп турар, чүге дизе ону кылып турарлар Эрликтиң дорт салдарынга алзып болур (Левит 19:26).