Эрлик болгаш ооң буктары сээң Бурганга бараан болуруңну күзевес. Кымның-даа Бурганга бараан болбазын чедип алыр дээш, олар оралдажыр. Ону канчаар кылырларыл? Оларның бир аргазы — меге шажынны ажыглаары (2 Коринфчилерге 11:13—15). Библияның шынын өөретпейн турар шажын — меге шажын. Меге шажын, көөрге шын кылдыр көстүр, херек кырында үнези чок меге акшага дөмей. Ол хөй бергедээшкиннерге чедирер.

Шынның Бурганы — Иеговага меге шажыннар херек чок. Иисус чер кырынга турда, ону өлүрүксеп турган шажын бөлүү турган. Олар Бурганга шын чүдүп тур бис деп бодап турганнар. Ол кижилер: «Бистиң чаңгыс Адавыс — Бурган» — деп турганнар. Иисус олар-биле чөпшээрешкен бе? Чок! «Силер бодуңар адаңар Эрликтен силер» — деп ол чугаалаан (Иоанндан 8:41, 44). Бөгүн херек кырында Эрликке болгаш ооң буктарынга бараан болуп турарлар, Бурганга чүдүп тур бис деп бодап турарлар! (1 Коринфчилерге 10:20).

 Ирик үнүштүң багай чимис бээри дег, меге шажын кижилерни каржы чүүлдер кылырынче идип турар. Кижилер каржы үүлгедиглер кылып турарындан, делегей муңгарал-биле долган. Чазыыл чок чорук, чогуш, оор, дарлал, өлүрүүшкүн, күчүлел — бо бүгүнү аңаа хамаарыштырып болур. Хөй кезиинде ол каржы үүлгедиглерге киржип турарлар, кандыг-ла бир шажынныы-биле чүдүп чоруур, ынчалза-даа оларның шажыны экини кылырынга өөретпейн турар. Хора кылырын соксатпас болза, олар Бурганның өңнүктери болуп шыдавас (Матфейден 7:17, 18).

Меге шажын кижилерни дүрзү-хевирлерге тейлээрин өөредип турар. Дүрзү-хевирлерге мөргүүрүн Бурган хоруп турар. Ол чөптүг негелде-дир. Сээң-биле чугаалажырының орнунга, бир кижи сээң чурууң-биле чугаалажырын күзээр сен бе? Ындыг кижи сээң чоок өңнүүң болур бе? Чок, болбас. Амы-тын чок тураскаалга азы чурукка чугаалаарының орнунга, Иеговага чугаалап бээрин Ол күзеп турар (Түңнел 20:4, 5).

Меге шажын, дайынга кижилерни өлүрүп болур — деп өөредип турар. Бурганның өңнүктери бот-боттарынга ханы ынакшылдыг болурун Иисус көргүскен. Ынак кижилеривисти өлүрбес бис (Иоанндан 13:35). Каржы кижилерни безин өлүрүп болбас бис. Кажан Иисусту удурланыкчылары тудуп алыр дээш келирге, өөреникчилерин ооң талазынче туруп, камгалажырын Иисус чөпшээревээн (Матфейден 26:51, 52).

Меге шажын — каржы кижилер Эрлик оранының одунга хилинчектенир деп өөредип турар. Аңаа удур, бачыт өлүмге чедирер деп Библия өөредип турар (Римчилерге 6:23). Иегова — ынакшылдың Бурганы. Ынак Бурган кижилерни мөңгеде хилинчектээр бе? Чок болбайн. Дываажаңга Иегованың деткип турары чаңгыс шажын турар (Ажыдыышкын 15:4). Эрликтиң нүгүлүнден укталган шупту меге шажыннар чиде бээр.