Бурганның өңнүү болур күзелдиг болзуңза, Бурганның чүүлдүг деп көрген шажынын сагыыры сеңээ чугула. «Алыс шын чүдүкчүлер» Бурганга «алыс шынга» дүүштүр чүдүүр, деп Иисус чугаалаан (Иоанндан 4:23, 24). Бурганга чүдүүр чүгле чаңгыс шын арга бар (Ефесчилерге 4:4—6). Алыс шын чүдүлге — чуртталгага, меге чүдүлге — өлүмге чедирер (Матфейден 7:13, 14).

Алыс шын шажынны тодарадып болур сен, бир эвес ону сагып турар улусту хайгаарап көөр болзуңза. Иегова — буянныг Бурган, Ооң алыс шын чүдүкчүлери эки мөзүлүг болур ужурлуг. Эки апельсин ыяжының чимистери — эки апельсиннер, алыс шын чүдүлгениң чимистери — эки кижилер (Матфейден 7:15—20).

Иегованың өңнүктери Библияны ханы хүндүлээр. Библия Бургандан деп олар билир. Ында чугаалап турар чүүл оларның чуртталгазын удуртуп, бергелерни шиитпирлээринге, база Бурганны билип алырынга дузалыын билип турарлар (2 Тимофейге 3:16). Олар суртаалын ёзугаар кылырын кызып турарлар.

Иегованың өңнүктери бот-боттарынга ынакшылдыг. Иисус кижилерге Бурган  дугайында өөредип, аарыг улусту экиртип, ынакшылын көргүскен. Алыс шын шажынны сагып турарлар өскелерге база ынакшылын көргүзүп турар. Иисусту өттүнүп, олар ядыы азы өске сөөк улусту аңгылай көрбес. Улус ооң өөреникчилерин, бот-боттарынга ынакшылындан билип каар — деп Иисус чугаалаан (Иоанндан 13:35).

Бурганның өңнүктери Ооң ады — Иегова деп хүндүлээр. Бир кижи сээң адыңны адаарындан ойталаза, ол сээң чоок өңнүүң болур бе? Чок! Бистиң өңнүүвүс бар болза, ооң адын адап, өске улуска ооң дугайында экини чугаалаар бис. Ынчангаш, кым Бурганның өңнүү болур күзелдигил, ол Ооң адын адап Ооң дугайында өске улуска чугаалаар ужурлуг. Бисти ындыг болзун деп Иегова күзеп турар (Матфейден 6:9; Римчилерге 10:13, 14).

Иисус ышкаш, Бурганның өңнүктери Бурганның Чазааның дугайында кижилерге өөредип турар. Бурганның чазаа — черни Дываажаң болдурар дээрде Башкарылга. Бурганның өңнүктери Бурганның Чазааның дугайында өөрүшкүлүг медээни, өске улус-биле үлежип турар (Матфейден 24:14).

Иегованың Херечилери — Бурганның өңнүктери болур дээш кызып турарлар. Олар Библияны хүндүлээр, база аразында ынакшылдыг. Оон ыңай олар Бурганның адын ажыглап, хүндүлеп, өске улуска Бурганның Чазааның дугайында өөредип турар. Бөгүн чер кырында алыс шын шажынга дүүштүр Иегованың Херечилери чүдүп турар.