Өлүм чуртталгага удурланышкак. Өлүм ханы уйгуга дөмей (Иоанндан 11:11—14). Өлгеннер дыңнавас, көрбес, чугааланмас, боданмас (Екклесиаст 9:5, 10). Өлгенннер сүнезиннер оранынче, боттарының ада-өгбелери-биле чурттаар дээш шилчиир деп, меге шажын өөредип турар. Библия ону өөретпейн турар.

Өлген кижи биске экини-даа, бакты-даа кылып шыдавас. Чамдык кижилер езулалдар эртирип, оларныы-биле алырга, өлгеннерге бараан болур дээш өргүлдерни кылып турарлар. Эрликтиң нүгүлүнден укталган болгаш ол хөделиишкиннер-биле өлгеннерге бараан болуп шыдавас бис, чүге дизе олар дириг бар эвес. Бис өлгеннерден кортпас-даа, оларга чүдүвес-даа ужурлуг бис. Бис чүгле Бурганга чүдүүр ужурлуг бис (Матфейден 4:10).

Өлген кижилер катап база чурттаар. Дываажаң черге чурттазын дээш, Иегова өлген кижилерни ханы уйгудан оттурар. Ол үе ам-даа келбээн (Иоанндан 5:28, 29; Ажыл-Чорудулга 24:15). Сен удуп чыдар кижини канчаар оттуруптар-дыр сен, Иегова ынчаар өлген кижилерни оттуруп шыдаар (Марктан 5:22, 23, 41, 42).

Бөгүн кижилер өлбейн турар деп бодал меге, ону Удурланыкчы Эрлик тарадып турар. Эрлик болгаш ооң буктары — өлген кижилерниң сүнезини чурттап чоруур, кижилерже аарыгны болгаш өске-даа айыылдарны халдадып турар деп бодаарынга, идигни берип турарлар. Чамдыкта дүштү болгаш көстүүшкүннерни таварыштыр Эрлик кижилерни мегелээр. Өлүг кижилер-биле чугаалажырларны Иегова буруулуг деп турар (Ийиги Чагыг 18:10—12).