1 ДУГААР КЕЗЕК
Бурганны канчаар дыңнап болур бис?
Бурган бистиң-биле Библия таварыштыр чугаалажып турар (2 Тимофейге 3:16).
Алыс шын Бурган бодунуң бодалдарын бир ыдыктыг номга кижилер бижип каар кылдыр сагыш човаан. Ол ном — Библия-дыр. Ында бижээн чугула медээлерни билип алырыңны Бурган күзеп турар.
Биске чүү херегин Бурган бистен артык эки билир. Ол — бүгү мерген-угаанның үндезини. Ону дыңнааш, ёзулуг мерген-угаанны чедип аар сен (Чугаалар 1:5).
Библияны кижи бүрүзү номчуур кылдыр, Бурган күзеп турар. Ол дыка хөй дылдарда очулдуртунган.
Бир эвес Бурганны дыңнаар күзелдиг болзуңза, Библияны номчууру болгаш ону угаап-билири сеңээ чугула.
Бурганның сөстерин кайда-даа кижилер дыңнап турар (Матфейниң 28:19).
Иегованың Херечилери сеңээ Библияның утказын билип алырынга дузалап болур.
Олар Бурганның дугайында алыс шынны бүгү чер кырында кижилерге өөредип турар.
Ол өөредиг төлевир чок. Оон аңгыда Бурганның дугайында Иегованың Херечилериниң чыглып турар черинге база билип ап болур сен.
Силерге солун бооп болур
БИСТИҢ ДУГАЙЫВЫСТА
Библейжи кичээлдер канчаар эртип турарыл?
Иегованың Херечилери халас библейжи кичээлдер эрттирип турары-биле бүдүн делегейде билдингир. Оларның канчаар эртип турарын көрүңер.
НОМНАР БОЛГАШ БРОШЮРАЛАР
Библия дугайында чүнү бодап тур силер?
Библия — угаанныг кижилерниң бижээн ному бе азы Бурганның Сөзү бе?
