3 ДУГААР КЕЗЕК
Дываажаңга чуртталга кандыг турганыл?
Иегова Адам биле Евага дыка хөй эки чүүлдерни берген (Эге дөс 1:28).
Иегова бир дугаар херээжен кижини, Еваны, чаяагаш, Адамга кадай кылдыр берген (Эге дөс 2:21, 22).
Иегова кижилерни кандыг-даа четпес-тудуу чок, тергиин угаан-сарыылдыг болгаш тергиин мага-боттуг кылдыр чаяаган.
Оларның бажыңы Эдем сесерлии — кайгамчыктыг чараш чер турган. Ында хем агып, чимистиг ыяштар өзүп, база янзы-бүрү дириг-амытаннар хөй турган.
Иегова оларның-биле чугаалажып, оларны өөредип турган. Бир эвес олар ону дыңнап турган болза, чер кырынга Дываажаңга кезээ мөңгеде чурттаар турган.
Эге дөс 2:16, 17).
Бурган оларга бир ыяштың чимизин чиирин хоруп каан (Иегова Адам биле Евага бир чимистиг ыяшче айыткаш, бир эвес ооң чимизин чиптер болзуңарза, өлүп каар силер деп чугаалаан.
Дээрниң төлээлериниң бирээзи Бурганга удур тура халаан. Ол дээрниң каржы төлээзи — Эрлик-тир.
Адам биле Ева Иегованы дыңнаар кылдыр, Эрлик күзевейн турган. Ынчангаш чыланны ажыглааш, ол ыяштың чимизин чиптер болза, олар өлбес, а харын Бурган дег апаар деп, ол чугаалаан. Ынчалза-даа ол меге турган (Эге дөс 3:1—5).