4 ДУГААР КЕЗЕК
Олар Эрликти дыңнааннар. Ооң түңнели кандыг болганыл?
Адам биле Ева Бурганны дыңнавайн барган, ынчангаш өлүп калганнар (Эге дөс 3:6, 23).
Ева чыланны дыңнааш, ол ыяштың чимизин чип эгелээн. Ооң соонда Адамга бээрге, ол база чип алган.
Шын эвес чүүлдү кылганы-биле олар бачыт үүлгеткеннер. Бурган оларны сесерликтен үндүр ойладыпкан.
Оларның-даа, ажы-төлүнүң-даа амыдыралы бергедээн. Олар кырааш, өлүп калганнар. Олар көзүлбес оранче чоруй барбаан. Олар чок апарган.
Чок апарган улус черниң довураа дег, өлүг (Эге дөс 3:19).
Бис база өлүп турар бис, чүге дээрге шупту кижилер Адам биле Еваның салгалы бооп турар. Өлген кижилер көрбес, дыңнавас база чүнү-даа кылып шыдавас (Экклезиаст 9:5, 10).
Иегованың үзел-бодалы-биле кижилер өлбес турган. Удавас чок апарган кижилерни ол диргизиптер. Бир эвес олар Бурганны дыңнаар болза, олар мөңге чурттаар.
