Кичээл 16

Бурганга бараан болур шиитпир

Бурганның өңнүү болур дизе чүнү канчаарыл? (1, 2)

Бурганга канчаар бердинерил? (1)

Кажан сугга суктуруп болурул? (2)

Бурганга шынчы бооп артарда кайыын күш алырыл? (3)

1. Бурганның өңнүү болурда библейжи шынны эки шиңгээдип (1 Тимофейге 2:3, 4), билип алган чүүлүнге бүзүреп (Еврейлерге 11:6), бачыттарының буруузун миннип (Ажыл-чорудулга 17:30, 31) база чуртталгазын өскертири чугула (Ажыл-чорудулга 3:19). Ооң соонда Бурганга ынакшыл Бурганга бараан болур күзелиңни оттурар ужурлуг. Ол дээрге сен хууда мөргүлүңге Бурганның күзелин күүседир дээш, бодуңну бердинип турарыңны чугаалаарың ол (Матфейниң 16:24; 22:37).

2. Бурганга бердингениң соонда сугга суктурарың чугула (Матфейниң 28:19, 20). Сугга суктурары — сээң Бурганга бердингениңни шупту улуска көргүзериниң аргазы. Ынчангаш Бурганга бараан болур шиитпирни хүлээптер хире назы-хары чедишкен улус сугга суктуруп болур. Сугга суктурарда, бүгү мага-ботту бичии када сугга сугар * (Марктың 1:9, 10; Ажыл-чорудулга 8:36).

3. Иеговага бердингениң соонда, ол сенден аазааның ёзугаар дүгжүп чурттаарыңны манаар (Псалом 49:14; Екклесиаст 5:3, 4). Сени Иеговага бараан болурун соксадыр дээш, Аза кызар (1 Пётрнуң 5:8). Ынчалза-даа Бурган-биле мөргүл таварыштыр чоокшулаш (Филиппийжилерге 4:6, 7). Хүннүң-не ооң Сөзүн өөрен (Псалом 1:1—3). Хуралдан быжыг туттун (Еврейлерге 13:17). Ынчаар кылыр болзуңза, Бурганга шынчы артар күштү алыр сен. Ынчалдыр сен кезээ мөңгеде Бурганның бүгү-ле негелдезин күүседип шыдаптар сен!

[Немелде тайылбыр]