Кичээл 8

Бурганга таарымчалыг өг-бүле амыдыралы

Өг-бүлениң эр ээзи кандыг черни ээлеп турарыл? (1)

Өөнүң ээзи кадайынга кандыг хамаарылгалыг болур ужурлугул? (2)

Аданың харыысалгалары чүүден тургустунганыл? (3)

Өг-бүледе кадайы кандыг рольду ойнап турарыл? (4)

Ада-иеден болгаш ажы-төлден Бурган чүнү негеп турарыл? (5)

Аңгыланып чурттаарынче болгаш чарлыышкынче библейжи көрүш кандыгыл? (6, 7)

1. Өг-бүлениң кол ээзи — ашаа деп, Библияда чугаалап турар (1 Коринфичилерге 11:3). Эр кижи чүгле чаңгыс кадайлыг болур ужурлуг. Ашак-кадай болур дээн улус чуртта бердинген хоойлуга дүүштүр бадыланчыр ужурлуг (1 Тимофейге 3:2; Титке 3:1).

2. Ашаа кадайынга бодунга дег ынак болур. Ооң кадайынга хамаарылгазы Иисустуң өөреникчилеринге хамаарылгазы дег болур ужурлуг (Ефесчилерге 5:25, 28, 29). Ашаа кадайын багай аажылап азы эттеп болбас. Харын-даа ол аңаа алдар-хүндүткелдиг болур ужурлуг (Колоссчуларга 3:19; 1 Пётрнуң 3:7).

3. Ада кижи өг-бүлези дээш сагыш човап, кызып ажылдаары чугула. Ол кадайын болгаш ажы-төлүн аъш-чем, идик-хеп, чурттаар бажың-биле хандырар ужурлуг. Оон ыңай ада кижи өг-бүлезиниң чүдүлгеге хамаарышкан айтырыгларын хандырар ужурлуг (1 Тимофейге 5:8). Ол бодунуң өг-бүлезинге Бурганны болгаш ооң бодалдарын билип алырынга дузалавышаан, удуртулганы ап чоруур (Второзаконие 6:4—9; Ефесчилерге 6:4).

4. Кадайы ашааның ак-сеткилдиг дузалакчызы болуру чогуур (Бытие 2:18). Ол ашаанга ажы-төлдү өөредиринге болгаш кижизидеринге дузалажыр ужурлуг (Притчи 1:8). Иегова өгнүң херээжен ээзинден бодунуң өг-бүлезин ынакшылдыг сагыш-човап, хайгаараар кылдыр негеп турар (Притчи 31:10, 15, 26, 27;  Титке 2:4, 5). Кадайы өөнүң ээзинге ханы хүндүткелдиг болуру чугула (Ефесчилерге 5:22, 23, 33).

5. Ада-иезинге дыңнангыр болурун Бурган ажы-төлден негеп турар (Ефесчилерге 6:1—3). Ада-иелерге ажы-төлүн өөредип, эдип-чазаар хүлээлгени Бурган берген. Ада-иелер уруглары-биле Библия өөренип, оларның сеткилин дүвүредип чоруур чүүлдерни чугаалажыр үени тускайлаары чугула (Второзаконие 11:18, 19; Притчи 22:6, 15). Ажы-төлүн каржы-хажагай кижизидип болбас (Колоссчуларга 3:21).

6. Ашак-кадай улустуң аразында эп-чөвү берге апарганда, библейжи сүмелерни күүседирин кызыдар херек. Библия ынакшылче болгаш өршээринче кыйгырып турар (Колоссчуларга 3:12—14). Ындыг-ла шыңгыы эвес бергелерни аңгыланып чурттаары-биле шиитпирлээрин Бурганның Сөзү сүмелевейн турар. Ынчалза-даа бир эвес ашаа: 1) өг-бүлезин хандырарындан ойталап, өжежир болза, 2) кадайының кадыкшылынга болгаш амы-тынынга айыыл чедирип каржыланыр болза, азы 3) Иеговага чүдүүрүнге дерзии удурланыр болза, кадайы ашаандан аңгыланып чурттап болур (1 Коринфичилерге 7:12, 13)

7. Ашак-кадай бот-боттарынга шынчы болур ужурлуг. Ашак-кадай болганынга шынчы эвези — эжинге болгаш Бурганга удур бачыт (Еврейлерге 13:4). Библия ёзугаар чарлып болгаш катап өгленип болур чаңгыс чылдагаан: өг-бүледен дашкаар эр-херээжен чорук харылзаазы (Матфейниң 19:6—9; Римчилерге 7:2, 3). Библейжи үндезин чокка чарлып, катап өгленирге Иегова хөңнү чок (Малахия 2:14—16).

[17 дугаар арын, чурук]

Бурган ада-иелерге ажы-төлүн эдип-чазап, өөредир хүлээлге берген.

[16, 17 дугаар арыннар, чурук]

Өг-бүлезинге ынак ада өг-бүлезин азырап, чүдүлге дугайында билиглер-биле хандырып турар.