Кичээл 11

Бурганга таарышпас чаңчылдар болгаш чүдүлге өөредиглери

Кандыг өөредиглер болгаш чаңчылдар таарышпас? (1)

Христианнар Бурганны Үш арынныг деп бүзүрээри чогуур бе? (2)

Шын христианнар Рождество,Чаа чыл, Пасха болгаш төрүттүнген хүннер чүге байырлавас? (3, 4)

Өлген улус дириг кижилерге хора чедирип шыдаар бе? (5)

Иисус белдир-крестке өлген бе? (6)

Бурганга таарымчалыг болуру кайы-хире чугула? (7)

1. Чүдүлге өөредиглери болгаш чаңчылдар шуптузу багай эвес. Ынчалза-даа олар меге чүдүлгеден укталган болгаш библейжи өөредиглерге чөрүшкек болза, Бурган чөпсүнмес (Матфейниң 15:6).

2. Үш арынныг Бурган. Иегова Үш арынныг Бурган бе, азы үш аңгы хуу-бот чаңгыс Бурганда бооп болур бе? Чок! Иегова — Ада — «дың чаңгыс алыс шын Бурган» (Иоанның 17:3; Марктың 12:29). Иисус — Бурганга чагыртып турар, ооң дун Оглу (1 Коринфичилерге 11:3). Адазы Оглундан улуг (Иоанның 14:28). Ыдыктыг сүлде — хуу-бот эвес, а Бурганның хөделдирикчи күжү (Бытие 1:2; Ажыл-чорудулга 2:18).

3. Рождество, Чаа-чыл болгаш Пасха. Иисус декабрьның 25-те төрүттүнмээн. Ол октябрь 1 үезинде төрүттүнген — чылдың ол үезинде кадарчылар коданын ажык дээр адаанга хондуруп турган (Луканың 2:8—12). Иисус христианнарга ооң төрүттүнген хүнүн байырлаарын кажан-даа чугаалаваан. Харын-даа өөреникчилеринге өлүмүн мөңгежидип сактырын ол чагаан (Луканың 22:19, 20). Рождество база Чаа-чыл чаңчылдары бурунгу меге чүдүлгелерден тывылган. Пасхага хамааржыр чуурга, тоолайлар чаңчылы база. Бирги христианнар Рождество, Чаа-чыл база Пасханы байырлавайн турган болганда, амгы алыс шын христианнар ындыг янзылыг кылбас.

4. Төрүттүнген хүннер. Библияда чүгле ийи төрүттүнген хүн чугаалаан,  ону Иеговага чүдүвейн турган улус байырлаан (Бытие 40:20—22; Марктың 6:21, 22, 24—27). Бирги христианнар төрүттүнген хүннер эрттирбейн турган. Ол чаңчыл бурунгу меге чүдүлгелерден келген. Шын христианнар белектерни бүдүн чыл дургузунда сунмушаан, аразында харылзажып өөрүп турар.

5. Мөчээннерден коргар чорук. Өлген улус билинмес болгаш чүнү-даа кылып шыдавас. Оларга дузалажып шыдавас бис, а олар биске хора чедирип шыдавас (Псалом 145:4; Екклесиаст 9:5, 10). Сүнезин өлген соонда чурттавас (Иезекииль 18:4). Буктар деп каржы ангелдер өлген кижиниң сүнезини бооп, мегеленир. Өлген улустан коргар чорук болгаш оларга чүдүүр чаңчылдар багай (Исаия 8:19).

6. Белдир-крест. Иисус белдир-крестке өлбээн. Ол чудукка азы чагыга өлген. Грек дылдан «крест» деп сөс библейжи очулгаларда чудук деп уткалыг. «Крест» демдек бурунгу меге чүдүлгелерден укталган. Бирги христианнарның чүдүлгезинге белдир-крест турбаан, ынчаарга олар аңаа чүдүвейн турган. Ынчангаш бодап көрүңер даан: чүдүлгеге белдир-крест ажыглаары шын бе? (Второзаконие 7:26; 1 Коринфичилерге 10:14).

7. Мында айыткан чүдүлгелер болгаш чаңчылдарның кайы-бири-биле чарлыры берге бооп чадавас. Төрелдериң болгаш эштериң мурнундагы чүдүлгеңни өскертпезин оралдажып турар боор. Ынчалза-даа кижилерниң эвес, а Бурганның аайынга кирери дыка чугула (Притчи 29:25; Матфейниң 10:36, 37).

[22 дугаар арын, чурук]

Бурган Үш арынныг эвес.

[23 дугаар арын, чурук]

Рождество, Чаа-чыл база Пасха бурунгу меге чүдүлгелерден укталган.

[23 дугаар арын, чурук]

Мөчээннерге чүдүүр болгаш олардан коргар кандыг-даа үндезин чок.