Кичээл 6

Бурганның Чагыргазы деп чүл?

Бурганның Чагыргазы кайда? (1)

Хааны кымыл? (2)

Хаан-биле кады башкарыкчылар бар бе? Бар болза кажыл? (3)

Сөөлгү хүннерде чурттап турар бис деп чүүден көстүп турарыл? (4)

Бурганның Чагыргазы келир үеде кижи төрелгеттенинге чүнү кылырыл? (5—7)

1. Иисус черге тургаш, өөреникчилерин Бурганның Чагыргазы келириниң дугайында мөргүүрүн өөредип турган. Чагырга дээрге хаан башкарып турар чазак-тыр. Ол онзагай чазак дээрде тургустунган болгаш черни башкарар. Чагырга Бурганның адын ыдыкшыдар. Бурганның күзели чүгле дээрге эвес, черге база күүсеттинерин ол чедип алыр (Матфейниң 6:9, 10).

2. Чагырганың Хааны Иисус болур деп, Бурган аазаан (Луканың 1:30—33). Иисус черге чорааш эки, чөптүг, тергиин Башкарыкчы болурун бадыткап көргүскен. Дээрже эглип келгеш, Иисус Бурганның Чагыргазының Хааны болур дүжүлгеге дораан-на саадаваан (Еврейлерге 10:12, 13). Иегова Иисуска аазаан эргени 1914 чылда берген. Ол үеден Иисус Иегованың томуйлаан дээрде Хааны апарган (Даниил 7:13, 14).

3. Оон аңгыда, Иегова чамдык шынчы эр болгаш херээжен кижилерни черден дээрже шилип алган. Олар хааннар, шииткекчилер, бараалгакчылар болуп кижи төрелгеттенин Иисус-биле башкарар (Луканың 22:28—30; Ажыдыышкын 5:9, 10). Иисус Чазактың тургузуунче кирер башкарыкчыларны «бичежек кодан» деп адаан. Оларның саны — 144 000 (Луканың 12:32; Ажыдыышкын 14:1—3).

4. Иисус Хаан апаргаш, дээрден Азаны база ооң каржы ангелдерин черниң девискээринче сывырыпкан. Ынчангаш 1914 чылдан эгелээш, черде байдал хөлчок баксыраан (Ажыдыышкын 12:9, 12). Дайыннар, аш-чут, аарыг-аржыктар, хоойлу сагывазының улгатканы — бо бүгү — Иисус башкарып турар дээрзин база амгы делегей тургузуунуң  сөөлгү хүннери эртип турарын айыткан «демдектиң» кезектери (Матфейниң 24:3, 7, 8, 12; Луканың 21:10, 11; 2 Тимофейге 3:1—5).

5. Удавас Иисус кижилерни кадарчының өшкүлерни хойлардан аңгылаары-биле дөмей, ийи чарып шиидер. «Хойлар» — шынчызын көргүзер албатылар. Олар черге мөңге чуртталганы алыр. «Өшкүлер» — Бурганның Чазаандан ойталаар кижилер (Матфейниң 25:31—34, 46). Чоокку келир үеде Иисус шупту өшкүлерге дөмей улусту узуткаар (2 Фессалоникажыларга 1:6—9). Бир эвес Иисустуң «хойларының» санынга кирер күзелдиг болзуңза, Чазак дугайында медээни дыңнап, билген чүүлүңге дүүштүр күүседириң чугула (Матфейниң 24:14).

6. Чер амгы үеде хөй чурттарның девискээрлеринге чардынган. Чурт бүрүзү боду чазактыг. Чоннар үргүлчү бот-боттарынга удур дайылдажып турар. Ынчалза-даа кижилер чазактарының орнунга Бурганның Чазаа келир. Ол бүгү черни башкарар чаңгыс чазак болур (Даниил 2:44). Ынчан дайыннар, кем-херек үүлгедиишкиннери болгаш күчүлел турбас. Шупту кижилер тайбың болгаш чаңгыс эптиг чурттаар (Михей 4:3, 4).

7. Иисустуң Муң чыл Башкарылгазының үезинде шынчы кижилер тергиин апаар, а чер дываажаң болу бээр. Ол муң чылдың төнчүзүнде Бурганның дилээн шуптузун Иисус эчизинге чедир күүседир. Оон ол Адазынга Чагырганы дедир эгидер (1 Коринфичилерге 15:24). Эштериңге болгаш чоок улузуңга Бурганның Чагыргазы чүнү боттандырарын чугаалап берзиңзе кандыгыл?

[13 дугаар арын, чурук]

Иисустуң башкарылгазының үезинде көөр хөөн чок болгаш аңгылажыр чорук турбас.