Бурганның күзелин күүседирде канчаар дузалажырыл?
Кичээл 15 Кижилерге
Бурганның күзелин күүседирде канчаар дузалажырыл?
Билип алганың эки чүүлдер дугайында улуска чугаалаары чүге чугула? (1)
Буянныг медээни кым-биле үлежип болурул? (2)
Сээң алдынарың кижилерге кандыг салдарлыг бооп болурул? (2)
Хурал-биле кажан суртаал ажылын кылып болурул? (3)
1. Бо үеге чедир Библиядан хөй эки чүүлдер билип алган сен. Ол билиглер сеңээ христиан болур күзелди оттурар ужурлуг (Ефесчилерге 4:22—24). Мөңге чуртталганы чедип алыр дизе, Библияның билиглерин алыры чугула (Иоанның 17:3). Ындыг-даа болза камгаланып артарынга өске улуска база буянныг медээни дыңнаары чугула. Шупту алыс шын христианнар өске улуска херечилээр ужурлуг. Ону Бурган айыткан (Римчилерге 10:10; 1 Коринфичилерге 9:16; 1 Тимофейге 4:16).
2. Билип алганың бүгү эки чүүлдү чоок улузуң-биле үлежип, чугаалап болур сен. Ооң дугайында өг-бүлеңге, өңнүктериңге, школачы эштериңге болгаш кады ажылдап турар эш-өөрүңге чугаалап бер. Ынчан буянныг болгаш шыдамык бол (2 Тимофейге 2:24, 25). Сактып чор, кижилер чугааже эвес, а сээң канчаар алдынарынче хөй кичээнгей салыр. Ынчангаш ылаңгыя сээң эки алдынарың кижилерни чугаалап турар медээңче хаара тудуп болур (Матфейниң 5:16; 1 Пётрнуң 3:1, 2, 16).
3. Чоорту сен чурттап турар чериңге Иегованың Херечилериниң хуралы-биле суртаалдаар чөпшээрел алыр чадавас боор сен. Ол дээрге христиан оруктуң чугула чадазы-дыр (Матфейниң 24:14). Кажан бир-ле кижиге Иегованың албатызы болурунга база мөңге чуртталганы чедип алырынга дузалаар аргалыг болуру кайы-хире өөрүнчүг-дүр! (1 Фессалоникажыларга 2:19, 20).