Кичээл 5

Бурган черге хамаарыштыр чүнү бодап алганыл?

Чүү дээш Иегова черни чаяаганыл? (1, 2)

Чер ам чүге Дываажаң эвезил? (3)

Каржы улус-биле чүү болур? (4)

Келир үеде Иисус аарыг улуска чүнү канчаарыл? кырып-назылааннарга? мөчээннерге? (5, 6)

Келир үеде йөрээлдер алыр дизе чүнү кылырыл? (7)

1. Иегова черни кижилер мөңге болгаш аас-кежиктиг чурттазын дээш, чаяаган. Черге шынны сагып чоруур, өөрүшкүлүг кижи төрелгеттени чурттазын деп, ол күзээн (Псалом 113:24; Исаия 45:18). Чер кажан-даа узуткаттынмас, ол мөңгеде турар (Псалом 103:5; Екклесиаст 1:4).

2. Кижини чаяар бетинде Бурган чер кырынга девискээрни шилээш, кайгамчыктыг дываажаңны тургускан. Ону Едем сады деп ол адаан. Аңаа Адам биле Ева деп бир дугаар эр биле херээжен ийи кижини чурттадып каан. Оларның ажы-төлү черни долдурзун деп, Бурган күзээн. Дываажаңны кижилер чоорту бүгү черге тарадыр турган (Бытие 1:28; 2:8, 15).

3. Адам биле Ева Бурганның хоойлузун биле тура-ла үреп, бачыт кылганнар. Ынчангаш Иегова оларны Едем садындан ойладыпкан. Дываажаңны чидиргеннер (Бытие 3:1—6, 23). Ынчалза-даа Иегова черни чүү дээш чаяаганын утпаан. Кижилер мөңге чурттаар кылдыр, черни дываажаң кылырын ол аазап турар. Бурган бодалын канчаар күүседирил? (Псалом 36:29).

4. Бүгү чер дываажаң болур бетинде каржы кижилер узуткаттынар ужурлуг (Псалом 36:38). Ол чүүл Армагеддон деп Бурганның каржыны узуткаар дайынында болур. Ооң соонда Аза 1 000 чыл дургузунда кинчилеттирер. Ол дээрге кым-даа черге хора чедирбес болуру-дур. Чүгле Бурганның  чону дириг артар (Ажыдыышкын 16:14, 16; 20:1—3).

5. Ооң соонда черни Хаан Иисус Христос 1 000 чыл башкарар (Ажыдыышкын 20:6). Ол чоорту кижилерниң угаанын болгаш мага-бодун бачыттан арыглаар. Адам биле Еваның бачыт кылырының бетинде дег, кижилер тергиин апаар. Ынчан аарыглар, кырып чөнүүрү болгаш өлүм турбас. Аарыг улус экирип, кырган улус катап аныяк апаар (Иов 33:25; Исаия 33:24; Ажыдыышкын 21:3, 4).

6. Иисустуң Муң чыл Башкарылгазының үезинде, Бурганга шынчы улус бүгү черни дываажаң кылдыр кылыптар (Луканың 23:43). Оон ыңай чер кырынга чуртталгаже миллион-миллион өлген кижилерни Бурган диргизер (Ажыл-чорудулга 24:15). Олар Бурганның негелделерин күүседир болза, черге мөңге чурттаар. Күүсетпес болза, кезээ мөңгеде узуткадыр (Иоанның 5:28, 29; Ажыдыышкын 20:11—15).

7. Бурганның эгезинде-ле черге хамаарыштыр бодап алган күзели ынчаар чедиишкинниг боттаныр. Келир үеде ол йөрээлдерни алыр күзелиң бар бе? Ынчаарга Иегова-биле таныжарын уламчылап, ооң негелделеринге чагыртырың эргежок чугула. Ону күүседиринге Иегованың Херечилериниң чоокку Хуралдаар Залында ужуражылгаларже баары сеңээ дузалаар (Исаия 11:9; Еврейлерге 10:24, 25).

[10 дугаар арын, чурук]

Чидирген дываажаң.

[11 дугаар арын, чурук]

Армагеддон соонда чер катап дываажаң апаар.