Кичээл 3

Иисус Христос деп кымыл?

Иисусту Бурганның «улуг Оглу» деп чүге адааныл? (1)

Чүге «Сөс» деп адаан? (1)

Иисус кижи бооп черже чүге келгенил? (2—4)

Чүге хуулгаазыннар кылып турганыл? (5)

Иисус чоокку келир үеде чүнү кылырыл? (6)

1. Иисус черге келириниң бетинде көзүлбес мага-боттуг дээрге чурттап турган. Иисус — Бурганның бирги чаяалгазы, ынчангаш Бурганның «улуг» Оглу деп адаттынган (Колоссчуларга 1:15; Ажыдыышкын 3:14). Иисус — Бурганның бодунуң чаяаган чаңгыс Оглу. Иисусту кижи болур мурнунда дээрде, черде шупту чүүлдерни чаяарынга Иегова «шевер дузалакчы» кылдыр ажыглаан (Притчи 8:22—31, Колоссчуларга 1:16, 17). Бурган ону Бодунуң кол төлээлекчизи кылдыр база ажыглаан. Ынчангаш Иисусту «Сөс» деп адаан (Иоанның 1:1—3; Ажыдыышкын 19:13).

2. Бурган Бодунуң Оглунуң чуртталгазын Марияның иштинче көжүрүп, черже чоруткан. Ынчангаш Иисустуң кижи адазы чок. Ындыг болгаш, ол бачыт база тергиин эвес байдалды салгаваан. Бурган Иисусту черже: 1) кижилерге Бурган дугайында алыс шынны өөретсин дээш (Иоанның 18:37), 2) тергиин шынчы арткаш, өттүнер үлегерни көргүзер кылдыр (1 Пётрның 2:21), база 3) кижи төрелгеттенин бачыт болгаш өлүмден хостап, амы-тынын хайырлазын дээш чоруткан. Чүге ындыг чүүл хереглеттине бергенил? (Матфейниң 20:28).

3. Бурганның айтыышкынын дыңнавайн бир дугаар кижи Адам Библияда «бачыт» деп адаттынган чүүлдү кылган. Ынчангаш Бурган Адамны өлүмге шииткен (Бытие 3:17—19). Бурганның негелделеринге дүүшпейн баргаш, ол тергиин эвес апарган. Адам чоорту кырааш, өлген. Ол шупту ажы-төлүнге бачытты дамчыткан. Ынчангаш бис кырып, аарып база өлүп турар бис. Кижи төрелгеттенин канчаар камгалап болур турганыл? (Римчилерге 3:23; 5:12).

 4. Иисус Адам ышкаш тергиин кижи турган. Ынчалза-даа Адамдан Иисустуң ылгалы кажан-даа, эң-не дошкун шылгалдада безин Бурганга дыңнангыр турган. Ынчангаш Адамның бачыды дээш, ол бодунуң тергиин кижи чуртталгазын берип шыдаар болган. Ооң дугайында Библияда «төлевир» деп адап турар. Ынчалдыр Адамның ажы-төлүнге өлүм шииткелинден адырлыр арга тыптып келген. Иисуска бүзүрээр кижилер шупту бачыттарын өршээдип, мөңге чуртталгалыг болур аргалыг (1 Тимофейниң 2:5, 6; Иоанның 3:16; Римчилерге 5:18, 19).

5. Иисус черге чурттап тургаш аарыг улусту экиртип, аштаан улусту чемгерип, шуурганнарны оожургадып турган. Ол өлген кижилерни безин диргизип турган. Иисус чүге хуулгаазыннар кылып турганыл? 1) Ол хилинчектенген улусту кээргеп турган болгаш оларга дузалажыксап турган. 2) Хуулгаазыннар ону Бурганның Оглу деп бадыткаан. 3) Черни башкарар үезинде дыңнангыр кижилерге чүнү кылырын көргүскен (Матфейниң 14:14; Марктың 2:10—12; Иоанның 5:28, 29).

6. Иисус өлген соонда, Бурган ону катап көзүлбес мага-боттуг кылдыр диргизиптерге, ол дээрже эглип келген (1 Пётрнуң 3:18). Элээн үе эрткенде Бурган ону Хаан кылдыр томуйлаан. Иисус удавас черден шупту багай чүүлдерни болгаш хилинчекти узуткаар (Псалом 36:9—11; Притчи 2:21, 22).

 [7 дугаар арын, чурук]

Кижилерни өөредип, хуулгаазыннар кылып база бис дээш чуртталгазын бергени — Иисустуң бараан болганының ужуру.