Кичээл 7

Мөргүл таварыштыр Бурган-биле канчаар чоокшулажырыл?

Мөргүүр чаңчылдыг болуру чүге чугула? (1)

Кымга база канчаар мөргүүрүл? (2, 3)

Чүү дугайында мөргүүрү шын? (4)

Кажан мөргүп болурул? (5, 6)

Бурган шупту мөргүлдерни дыңнап турар бе? (7)

1. Мөргүл дээрге Бурган-биле хүндүткелдиг чугаа. Бурганга мөргүүр чаңчылдыг болуру дыка чугула. Ынчаар Бурган-биле чоок эжиңге ышкаш чоокшулажыр сен. Иегова хемчээл чок улуг болгаш күчүлүг-даа болза, бистиң мөргүлдеривисти дыңнап турар! Бурганга үргүлчү мөргүүр-дүр сен бе? (Псалом 64:3; 1 Фессалоникажыларга 5:17).

2. Мөргүл — чүдүлгениң кезээ. Ынчангаш чүгле Иегова Бурганга мөргүүрү чогуур. Иисус черге чорааш, өске кымга-даа эвес, бодунуң Адазынга  үргүлчү мөргүүр турган. Бис шак-ла ынчаар кылыр ужурлуг бис (Матфейниң 4:10; 6:9). Ындыг-даа болза, шупту мөргүлдеривисти Иисустуң ады-биле чугаалаар ужурлуг бис. Ооң-биле бис Иисустуң байдалын хүндүлеп база бис дээш өлгенинге бүзүреливис көргүзүп турарывыс ол (Иоанның 14:6; 1 Иоанның 2:1, 2).

3. Мөргүүрде Бурган-биле чүрээвистиң ханызындан чугаалаар ужурлуг бис. Мөргүлдү шээжи-биле азы мөргүл номундан номчувас ужурлуг бис (Матфейниң 6:7, 8). Кайы-даа үеде, каяа-даа олуруп, туруп-даа алгаш хүндүткелдиг мөргүп болур. Иштивисте, чүректен безин чугаалаан мөргүлдерни Бурган дыңнап турар (1 Царств 1:12, 13). Хууда тускайлаң мөргүүр болза эки (Марктың 1:35).

4. Чүнүң дугайында мөргүп болурул? Ооң-биле найыралга хамааржыр бүгүдениң дугайында (Филиппийжилерге 4:6, 7). Иегованың ады база Ооң үзел-бодалдарының дугайында мөргүүрүн чижек мөргүлде көргүскен. Оон ыңай материалдыг дуза, бачыттарывысты өршээрин база күткүлге алыспас кылдыр дузаны дилеп болур (Матфейниң 6:9—13). Чүгле хуу ажык-кончаа бодап мөргүп болбас. Бурганның күзелинге дүүштүр мөргүүрү шын (1 Иоанның 5:14).

5. Чүрээң Бурганны алдаржыдып база четтиргениң илередирин күзээр болза, кажан-даа мөргүп болур сен (1 Паралипоменон 29:10—13). Бергелер тыптып, сээң бүзүрелиң шенелдеге таварышса, мөргүүрү чугула (Псалом 54:23; 119:1). Чемненир бетинде мөргүүрү шын (Матфейниң 14:19). Иегова «кандыг-даа үеде» мөгүүрүнче деткип турар (Ефесчилерге 6:18).

6. Ылаңгыя аар бачыт кылган болзуңза, мөргүүрү чугула. Ындыг таварылгаларда Иеговадан энерел болгаш өршээл дилеп чанныыр ужурлуг сен. Бир эвес ооң мурнунга бачыттарыңны миннип, каттаптавазын бар-ла шааң-биле кызар болзуңза, Бурган сеңээ өршээлдиг болур (Псалом 86:5, Притчи 28:13).

7. Иегова чүгле шынчы улустуң мөргүлүн дыңнап турар. Сээң мөргүлдериңни Бурган дыңназын дээр болзуңза, ооң хоойлуларынга дүүштүр чурттаарын, бүгү-ле шыдаттынар чүүлдерни кылырын кызар ужурлуг сен (Притчи 15:29; 28:9). Мөргүүрде биче сеткилдиг болур ужурлуг сен (Луканың 18:9—14). Бургандан дилээниң ёзугаар кылырың чугула. Ынчаар сен бүзүрелиңни болгаш херек кырында бодалың чугаалап турарыңны бадыткаар сен. Чүгле ынчан Иегова мөргүлдериңге харыылаар (Еврейлерге 11:6).