Кичээл 12

Чуртталгага болгаш ханга хүндүткел

Чуртталгаже канчаар көөр ужурлуг бис? (1) уруг дүжүртүрүнче? (1)

Христианнар айыыл чок чурттаарынче канчаар кызарыл? (2)

Дириг амытаннар өлүрүп болур бе? (3)

Кандыг чаңчылдарда чуртталгага хүндүткел чогул? (4)

Бурганның хоойлузунда хан дугайында чүнү чугаалааныл? (5)

Ол хоойлуда хан кударын чөпшээреп турар бе? (6)

1. Иегова — чуртталганың Үндезини. Бүгү-ле амылыг чүүлдүң чуртталгазы Бургандан хамааржыр (Псалом 35:10). Бурганның караанга чуртталга ыдыктыг. Иеговага чаа боттанган, безин төрүттүнмээн төлдүң амызы үнелиг. Сайзырап орар төлдү өжегерээн өлүрери — Бурганның караанга каржы чорук (Исход 21:22, 23; Псалом 126:3).

2. Алыс шын христианнар айыыл чок чорукче чүткүлдүг. Олар машинага чоруурга, бажыңга чурттаарга айыыл чок болурун кызарлар (Второзаконие 22:8). Чүгле сеткилин амырадыр азы айыылдың чидиин билиптер дээш, Бурганның айбычылары барымдаа чокка амызын айыылга чедирбес. Ынчангаш олар кижилерге өжегерээн хора чедирер спорттуң каржы хевирлеринге киришпес. Каржы чорук деткиир хөглээшкинден олар ойталаар (Псалом 10:5; Иоанның 13:35).

3. Дириг амытаннарның чуртталгазы база Чаяакчының  караанга ыдыктыг. Христианнар дириг-амытаннарны аъш-чем, идик-хеп-биле хандыртынарда, оон ыңай аарыглардан азы айыылдан камгаланырда өлүрүп болур (Бытие 3:21; 9:3; Исход 21:28). Ынчалза-даа оларны багай аажылап, спортчу сонуургал азы каткы-хөг дээш өлүрери — шын эвес (Притчи 12:10).

4. Христианнар таакпылап, оът-чашпан тыртып база ханар дээш наркотиктерни хүлээп болбас. Бо бүгүнү кылыры багай, чүге дизе 1) ындыг чаңчылдар кулдандырар, 2) мага-ботка хоралыг болгаш 3) арыг эвес (Римчилерге 6:19; 12:1; 2 Коринфичилерге 7:1). Бо чаңчылдардан адырлыры дыка берге болгулаар. Ынчалза-даа Иегованың күзелинге дүгжүр дизе, ону каары чугула.

5. Хан база Бурганның караанга ыдыктыг. Ханда амы-тын деп, Бурган чугаалап турар. Ханны чемге ажыглаары шын эвес. Ханы чедир төгүлбээн дириг-амытанның эъдин чиири база шын эвес. Бир эвес аң албыккан азы какпага өлген болза, ону чип болбас. Бир эвес чыдалап азы боо-биле өлүрген болза, дораан ханын аксыр. Чүгле ынчан ону чип болур (Бытие 9:3, 4; Левит 17:13, 14; Ажыл-чорудулга 15:28, 29).

6. Хан куттуруп болур бе? Сактып чоруңар: хандан ойталаарын Иегова бистен негеп турар. Ол дээрге кандыг-даа хевирлиг өске улустуң, безин бодувустан алгаш шыгжаттынып турган ханны мага-бодувусче куттурбас ужурлуг бис (Ажыл-чорудулга 21:25). Ынчангаш алыс шын христианнар хан куттурарындан ойталап турар. Олар эмнээшкинниң өске хевирлеринге чөпшээрежир, чижээлээрге, хан чок эмнерни куттурары. Христианнар чурттаксап турар, ынчалза-даа чуртталгазын Бурганның хоойлуларын хажыдар өртек-биле камгалавас (Матфейниң 16:25).

[25 дугаар арын, чурук]

Бурганга тааржыр деп бодаар болзувусса, хан куттурарындан, хирлиг чаңчылдардан болгаш барымдаа чок айыылдан ойталаар ужурлуг бис.