Библия чүгле эрткен үениң болуушкуннарын шын бижип турар эвес, а келир үениң дугайында база чугаалап турар. Кижилер келир үени баш бурунгаар чугаалап шыдавас. Ынчангаш Библия — Бургандан ном деп билир бис. Келир үениң дугайында ол чүнү чугаалап турар ирги?

Бурганның өндүр улуг дайыны дугайында ол дыңнадып турар. Ынчан Бурган черни бүгү каржыдан база шупту каржы кижилерден арыглаар, ынчалза-даа аңаа бараалгап турар кижилерни камгалаар. Бурганның томуйлаан хааны Иисус Христос, ол кижилер тайбың, аас-кежиктиг болгаш кажан-даа аарывас, өлбес болурун сагыш човап кылыр.

Чер кырынга дываажаңны Бурган катап чаяар дээрге, өөрүнчүг эвес-тир бе? Ынчалза-даа бис ол дываажаңга чурттаар күзелдиг болзувусса, ол дээш бир чүүл кылыр ужурлуг бис. Бурганга бараалгап турар кижилерге ооң белеткеп кааны кайгамчык йөрээлдерин алыр дээш, чүнү кылыр ужурлуг бис, ону бо номнуң сөөлгү чугаазындан билип алыр бис. Ынчангаш СЕСКИ кезекти номчуп көрем — Библия келир үеде чүү болур деп чугаалап турарын билип ал.