КӨРЕМ, кандыг улуг ыяштар, кандыг магаданчыг чечектер болгаш бедик даглар-дыр. Шынап, чараш-тыр бе? Көрем, элик оглу оолчугаштың холундан чип тур. Дуу ол шыкта арзылаңнар чыдыр, аъттар база оъттап тур. Сен база шак ындыг чараш черде бажыңга чурттаарын күзээр-дир сен бе?

Сени черге дываажаңга мөңге чурттазын деп, Бурган күзеп турар. Бөгүн хөй-де кижилерниң дег, сээң бир-ле чүвең аарызын деп, ол күзевейн турар. Чаа дываажыңның чурттакчыларынга Библия чүнү аазап турар-дыр: ‘Бурган олар-биле турар. Моон соңгаар өлүм-даа, ыы-сыы-даа, аарышкы-даа турбас. Эрткени эрте бээр’.

Ол кайгамчыктыг өскерлиишкиннер болу бээрин Иисус сагыш човап кылыр. Билир сен бе, кажан? Шын-дыр — черни шупту каржыдан болгаш шупту каржы кижилерден арыглаан соонда. Иисус черге тургаш, кандыг-даа аарыгны эмнеп, өлген улусту безин диргизип турганын, сактыр-дыр сен бе? Ол эмнеп тургаш, Бурганның томуйлааны Хаан болуп башкарар үезинде чүнү кылырын ол көргүзүп турган.

Чүгле бодап көр даан — чер кырынга дываажаңга кайы-хире кайгамчыктыг болур-дур! Иисус-биле ооң шилип алганы чамдык улустары дээрден башкарар. Ол чагырыкчылар черниң чурттакчы бүрүзүнүң дугайында сагыш салыр, ол ышкаш шупту улусту аас-кежиктиг кылыр. Ооң чаа дываажаңынга мөңге чуртталга — Бурганның шаңналын, бүзүрелдии-биле манаар кылдыр чүнү кылырын ам билип алыр бис.