Моисе́й изра́ильчилерни Еги́петтиң кулданыышкынындан Сина́й дагга эккелген, аңаа Бурган изра́ильчилерге бодунуң хоойлуларын берген. Ооң соонда Моисе́й 12 кижини Ханаа́н черин бүдүү көрүп, билип алыры-биле чоргускан. Ынчалза-даа эглип келгеш, оларның он кижизи ол черниң дугайында багай кылдыр чугаалаан. Ынчангаш чон дедир Еги́петче чоруксай берген. Бурган изра́ильчилерни бүзүрелиниң кошкаа дээш кезедип, оларны 40 чыл дургузунда ээн хову кезиирин албадаан.

Адак сөөлүнде Иисус Навин шилиттинген, ол изра́ильчилерни Ханаа́н черже киирер ужурлуг. Оларга черни эжелеп алырынга дузалажыр дээш, Иегова хуулгаазыннарны кылып турар. Ол Иорда́нның агымын тургузуп, Иерихо́ннуң ханаларын буза шаап база бүдүн хүн дургузунда хүннү тургузупкан. Алды чыл эрткенде, ам-на олар ханаа́нчыларның черин чаалап алган.

Иисус Навинден эгелээш, 356 чыл дургузунда Изра́ильди шииткекчилер башкарып турар. Оларның хөй кезии-биле таныжып алыр бис: Вара́к, Гедео́н, Иеффа́й, Самсо́н база Самуи́л-биле. Ол ышкаш Раа́в, Дево́ра, Иаиль, Руфь, Ноеми́нь база Дали́да дээн ышкаш херээженнер дугайында база номчуур бис. Ниитизи-биле алырга, ҮШКҮ кезекче 396 чыл дургузунда болган төөгү кирип турар.