БО Иисус-тур, Елеон дагның кырында. Ооң чанында ооң дөрт апостолдары олур. Олар кады төрээн алышкылар-дыр: Пётр биле Андре́й, Иа́ков биле Иоа́нн. Ында ыракта, Иерусали́мде, Бурганның өргээзи көстүп турар.

Иисустуң элчиген мунуп алгаш, Иерусали́мче киргенинден бээр ийи хонук эрте берген. Бо хүн вторник. Иисус өргээге баргаш келген. Аңаа ону бараалгакчылар өлүрер дээш, сегирип алырын оралдашкан. Ынчалза-даа олар Иисуска ынак чондан кортканнар.

— Силер чыланнар база чыланның оолдары силер!— деп, ол шажын баштыңчыларын Иисус адаан. Оон ыңай Бурган оларны каржы херектери дээш шиидер деп, ол дыңнаткан. Ооң соонда Иисус Елеон дагның кырынче үнүп кээрге, аңаа дөрт апостолдары оон айтыртынып турар. Чүнүң дугайында, билир сен бе?

Келир үе дугайында. Иисус чер кырында шупту каржыны чок кылыр деп, олар билир. Ынчалза-даа олар ооң кажан болурун билип алыксап турарлар. Иисус кажан эглип келирил база Хаан кылдыр чагырып эгелээрил?

Ооң канчаар эглип келирин чер кырында ооң талалакчылары көрбес деп, Иисус билир. Чүге дизе ол дээрге турар, а аңаа ону көөрү болдунмас. Ынчангаш Иисус хаан кылдыр чагырып эгелээрге, чер кырынга кандыг болуушкуннар болуп эгелээрин апостолдарга ол чугаалап берген. Ол кандыг болуушкуннарыл?

Улуг дайыннар, дыка хөй улус аарып база аштап, кайда-даа күчүлел тараар, улуг чер шимчээшкиннери болур, деп Иисус баш бурунгаар чугаалаан. Иисус оон ыңай бүгү черге Бурганның чагыргазының дугайында буянныг медээ суртаалдаар ажыл болур деп баш бурунгаар чугаалаан. Ол болуушкуннар бистиң үеде болуп турар бе? Чигзиниг чок! Ынчангаш Иисус дээрде чагырып турар деп, бүзүреп болур бис. Удавас ол чер кырынга бүгү каржыны чок кылыр.