Кол сөстерни демдегле. Шүлүктү номчааш, кол бодал-биле дорт харылзаалыг сөстерни демдегле. Ону кылырда, кол сөстерни катаптап болур азы дыңнакчылар харыызын тып алыксай бээр кылдыр, айтырыг салып болур.

Кол бодалды демдегле. Библейжи шүлүкке киирилде сөстерни чугаалааш, чүү дээш ону номчуур деп турарыңны тайылбырлаан болзуңза, шүлүктүң кол сөстери сээң бодалыңны канчаар шынзыдып турарын көргүс.

Бөдүүн кылдыр тайылбырла. Кол бодалга хамаарышпас информацияны сайгарба. Шүлүкке кайы хире тайылбыр кылырын шиитпирлеп тургаш, дыңнакчыларың ол теманың дугайында чүнү билирин база чугаалаар деп турар бодалыңның кайы хире чугулазын кичээнгейге ал.