Бүзүрелдиг информацияны ажыгла. Чугааңны Библияга үндезилеп, аргалыг болза, ооң бодундан номчу. Эртем бадыткалдарын, медээлерни, кандыг-бир таварылганы азы өске-даа чүүлдү ажыглаарда, оларның ылаптыын база эргижиревээнин баш удур тодарадып ал.

Сөзүглелден сөстерни ушта тыртпа. Шүлүктерни Библияның кол темазынга, «шынчы болгаш сарыылдыг чалчаның» дептерлеринге база контекстизинге дүүштүр тайылбырла (Мф. 24:45). Өске авторларның сөстерин чугаалап тургаш, оларның бодалдарын өскертпе.

Улусту сайгарылгаже киириштир. Библейжи шүлүктү номчааш азы кандыг-бир авторнуң сөстерин чугаалааш, дыңнакчыларың боттары түңнел үндүрер кылдыр дузала. Ону кылырда, эвилең-ээлдек айтырыгларны сал азы таарымчалыг чижекти чугаала.