Сорулгаңны тодарадып ал. Илеткелиңниң сорулгазы кандыгыл? Дыңнакчыларга бир-ле чүвени чугаалаары бе? Оларны бир-ле чүвеге бүзүредири бе азы хөделиринче оттурары бе? Аңаа даянып, илеткелиңни тургузуп ал. Кол бодал бүрүзү сорулгаңны чедип алырынга дузалап турар-дыр бе, хына.

Темаңны онзалап демдегле. Илеткелдиң дургузунда, кол азы дөмейлешкек уткалыг сөстерни ажыглап тургаш, темаңның дугайында сагындырып тур.

Кол бодалдарны тода, бөдүүн кылдыр тургузуп ал. Чүгле темаңга хамааржыр база бердинген үе иштинде эки тайылбырлаптарың кол бодалдарны шилип ал. Олар хөй болбас ужурлуг. Кол бодал бүрүзүн тода илерет, бир бодалдан өске бодалче хенертен шилчиве, оларны доктаашкын-биле аңгыла.