Бөдүүн чижектерни ажыгла. Иисус ышкаш, улуг чүүлдерни бичии чүүл дузазы-биле, а нарын чүүлдерни бөдүүн чүүл-биле тайылбырла. Чижекти артык информация-биле нарыыдатпа. Чижээңниң шупту кезектери тайылбырлап турар бодалыңга тааржыр боор ужурлуг, оон башка дыңнакчыларың будалып, чардыга бээр.

Дыңнакчыларыңны бода. Дыңнакчыларыңның сонуургалдарынга болгаш хүн бүрүде амыдыралынга чоок чижектерни ажыгла. Кымны-даа ыяттырып, хомудатпас чижектерни шилип ал.

Чугула бодалдарны онзалап демдегле. Чижектерни немелде бодалдарга эвес, а чугула бодалдарга хамаарыштыр чугаала. Дыңнакчыларың чижектен аңгыда, чүү дээш ону чугаалааныңны база сактып алзын.