Кызып белеткенип, Иеговадан дузаны диле. Улустуң сени канчаар хүлээп алырын эвес, а чугаалаксаан чүүлүң дугайында боданырынга дузалаар кылдыр, Иеговага мөргү. Кандыг бодалды чедириксеп турарыңны тодарадып ал. Домактарны сөстен сөсче катаптавайн, бодалдарны бодуңнуң сөстериң-биле чугаала.

Сеткилиңден чугаалан. Чугаалаар деп турар чүүлүң дыңнакчыларга чүге чугула дээрзин бодан. Ынчан чылыг-чымчак хамаарылгаң көстүп, арның чазыгып, холдарыңның имнээшкиннери болгаш алдынып турарың хостуг боор.

Дыңнакчыларыңче көр. Улустан карааң дестирбе. Илеткел үезинде дескиндир көрбейн, аңгы-аңгы кижилерже көр.