Бир сайзыраңгай чуртта кижилерниң 90 ажыг хуузу боттарын аас-кежиктиг азы амыдыралынга чедиишкинниг деп санап турар. Ол хирезинде 10 эң-не нептереңгей эмнерниң 3-жүн сагыш аарыынга ажыглап турары элдептиг эвес-тир бе? Ол-ла чуртта кижилерниң 91 хуузу боттарының өг-бүле чуртталгазын эки деп санап турар, ынчалзажок оларның чартык кезии чара бадыланчып турар.

Делегейниң чурттакчыларының чартыын тургузуп турар 18 күрүнелерге болган айтырылга-биле алырга, «делегейниң чурттакчыларының хөй кезии келир үеден эки чүве манавайн чоруур». Оон алырга, дендии хөй улус чуртталгазынга сеткил ханмайн турар. А силерниң дугайыңарда чүнү чугаалап болурул? Бо брошюра силерге сеткил ханып чурттаарыңарга дузалаар.