КИЧЭЭЛ 10
Иегованың Херечилериниң чыыштары чүзү-биле ажыктыг?
Силерни Иегованың Херечилериниң ужуражылгаларынче чалаан бе? Чаңгыс-даа барбаан болзуңарза: «Ол ужуражылгалар канчаар эртип турар? Чүге ол ужуражылгалар чугула база ынаар чүү дээш баарыл?» деп айтырыгларыңар бар чадавас. Ол ужуражылгалар Бурганче чоокшулаарынга канчаар дузалап болурун база чүзү-биле ажыктыын бо кичээлден билип ап болур силер.
1. Иегованың Херечилери ужуражылгаларын чүге эрттирип турарыл?
Библияның бир бижикчизи ол ужуражылгаларның чугулазының дугайында мынча дээн: «Дээрги-Чаяакчының улузунуң чыылган черинге Ону алгап-йөрээр мен» (Ырлар 25:12). Ынчангаш Иегованың Херечилери чыглырынга дыка ынак. Бурганны алдаржыдып ырлап, мөргүүр дээш, Иегованың бүгү черде бараалгакчылары неделя санында ужуражылгаларга чыглып турар. Оон ыңай олар Бурганга мөгеер дээш, чылда каш катап улуг чыыштарны эрттирип турар.
2. Ужуражылгаларывыстан чүнү билип алыр силер?
Ужуражылгаларывыска Бурганның Сөзүн өөренип, ону эки билип алыр дээш, утказын ханы сайгарып турар бис. (Номчуптуңар: Неемия 8:8.) Аңаа Иегованың чараш шынарлары-биле таныжып алыр силер. Ооң ынакшылының дугайында хөйнү билген тудум, Олче улам чоокшулаар силер. Бурган силерге чуртталгаңарда аас-кежикти тып алырынга база дузалаар (Исайя 48:17, 18).
3. Чыыштарга аралажып чугаалажыры силерге чүзү-биле ажыктыг?
«Бот-боттарывыска сагыш човангыр бооп, ынакшылче база буянныг херектерже бот-боттарывысты ыдалап көрээлиңер» деп, Иегова кыйгырып турар (Еврейлерге 10:24, 25). Чыыштарга келгеш, бот-боттарынга ёзулуг ынакшылдыг, Бурганның дугайында хөйнү билип алыксаан улус-биле таныжып алыр силер. Олар Библиядан сорук киирер бодалдар-биле үлежир. (Номчуптуңар: Римчилерге 1:11, 12.) Оон ыңай чуртталгада бергелерни чедиишкинниг ажып эртип турар өг-бүлелиг-даа, бот-даа улус-биле чугаалажыр силер. Бо дээрге чыышче кээриниң чүгле каш чылдагааны-дыр. Иегова бисти чыыштарже доктаамал кээривисти күзеп турар.
ХАНЫ ШИНЧИЛЕҢЕР
Иегованың Херечилериниң ужуражылгалары канчаар эртип турарын база ынаар баары чүге чугулазын билип алыр силер.
4. Иегованың Херечилериниң ужуражылгалары
Бирги векте христианнар Иеговага чүдүүр дээш, үргүлчү чыглыр турган (Римчилерге 16:3—5). Колосчуларга 3:16-ны номчааш, харыылаптыңар:
-
Баштайгы христианнар Иеговага канчаар мөгейип чораан?
Амгы үеде база Иегованың Херечилери Бурганга мөгеер черлеринде, Хурал залдарында, үргүлчү чыглып турар. Ол ужуражылгалар канчаар эртип турарын билип алыр дээш, ВИДЕОНУ көрүңер. Ужуражылга эртип турарын көргүскен чурукту көргеш, дараазында айтырыгларга харыылаптыңар:
-
Хурал залында эртип турар ужуражылгалар биле Колосчуларга 3:16-да бижээн чүүл чүзү-биле дөмей-дир, эскердиңер бе?
-
Видеода азы чурукта силерге чүү солун болду?
2 Коринфичилерге 9:7-ни номчааш, харыылаптыңар:
-
Иегованың Херечилериниң ужуражылгаларынга чүге акша чыгбайн турар?
Чоокку үеде болур ужуражылгага чүнүң дугайында сайгарарын башкыңар-биле көрүңер.
-
Ол ужуражылганың кайы кезээ силерге солун болгаш ажыктыг ышкаш-тыр?
Билир силер бе?
JW.ORG деп сайтыдан бүгү делегейде ол ужуражылгалар кайда болгаш кажан эртип турарын билип ап болур силер.
-
А. Бистиң чыыштарывыстың программазынче илеткелдер, көргүзүглер болгаш видеолар кирип турар. Чыыш ыры болгаш мөргүл-биле эгелээр база төнер
-
Б. Программаның чамдык кезектеринде залда орар улус айтырыгларга харыылап болур
-
В. Өг-бүлелиг-даа, бот-даа, улгады берген улус-даа, чаш ажы-төл-даа кээп болур
-
Г. Ужуражылгаларже кирери халас. Иегованың Херечилери келген улустан кандыг-даа акша чыылдазы кылбайн турар
5. Ужуражылгаларже баар дизе, күжениишкиннер херек
Иисустуң өг-бүлезиниң чижээн көрээлиңер. Чылдың-на болур чыыштарже олар Назареттен Иерусалимче 100 км хире даглыг орук-биле чедер турганнар. Лука 2:39—42-ни номчааш, харыылаптыңар:
-
Оларга Иерусалимче ынчаар аян-чоруктаары белен турган бе?
-
Силерге ужуражылгаларже баарынга чүү шаптыктап болур?
-
Ынаар баар дээш күжениишкиннер үндүрген ажыы бар бе? Тайылбырлаптыңар.
Иеговага чүдүүр дээш, чыглып аралажыры дыка чугула деп Библияда бижээн. Еврейлерге 10:24, 25-ти номчааш, харыылаптыңар:
-
Ужуражылгаларже чүге үргүлчү баар ужурлуг бис?
ЧАМДЫК УЛУС МЫНЧА ДЕП БОЛУР: «Ужуражылгаларже баары албан эвес. Библияны бажыңга өөренири чедер».
-
Кандыг шүлүк азы Библиядан чижек Иегованың бистен чүнү күзээрин көргүзүп турарыл?
КОЛ БОДАЛ
Ужуражылгалар Иегованың дугайында хөйнү билип алырынга, Ооң-биле найыралды быжыглаарынга дузалаар. Оон ыңай ха-дуңма-биле кады Бурганга мөгеер аргалыг силер.
Катаптаашкын
-
Чүге Иегова бисти ужуражылгаларже чалап турар?
-
Иегованың Херечилериниң ужуражылгаларынга чүнү билип алыр силер?
-
Чүү деп бодаар силер, ужуражылгалар силерге оон ыңай чүзү-биле ажыктыг?
НЕМЕЛДЕ
Ужуражылгаже баарын эпчоксунуп турар чадавас силер. Бир кижи Иегованың Херечилериниң чыыжынче кээрге кандыг болганын видеодан көрүңер.
Бир аныяк кижи ужуражылгаже баргаш, чүнү сонуургаан база ынаар үргүлчү баар дээш, ол чүнү кылган?
Ужуражылгалар дугайында чамдык улус чүнү чугаалап турарын номчуңар.
«Хурал залдарынга эртер ужуражылгаларже чүге баарыл?» (веб-статья)
Каржы-дошкун чораан кижи Иегованың Херечилериниң ужуражылгазынче чаңгыс катап барыпкаш, чуртталгазын өскертип алганын номчуп көрүңер.
«Бодумга кезээде пистолет ап чораан мен» («Таңныыл суургазы» июль 1, 2014 чыл)
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
