КИЧЭЭЛ 11
Библияны канчаар солун кылдыр номчуп болур?
Улуг сорулгалар салып алырга коргунчуг болур бе? Сорулганы бичии-бичии кезектерге чарып алырга, ону күүседири ындыг-ла берге эвес. Библия номчууру база шак ындыг. Чүден эгелеп алырыл? Бо кичээлге Библияны номчуп, өөренири билдингир, солун боор кылдыр каш бөдүүн аргаларны көөр бис.
1. Библияны доктаамал номчууру чүге чугула?
Бурганның хоойлузун, Библияны, доктаамал номчуп турар кижи аас-кежиктиг, чедиишкинниг болур. (Номчуптуңар: Ырлар 1:1—3.) Хүн бүрүде бичиилеп, каш минуталап, Библияны номчуп эгелеп алырын шенеп көрүңер. Библияны хөй билген тудум, ону оон-даа артык сонуургап номчуй бээр силер.
2. Библияның номчулгазы үре-түңнелдиг болзун дизе, чүнү канчаарыл?
Библияның номчулгазы ажык-дузалыг болзун дизе, доктаапкаш, номчаан чүүлүңерни боданыңар. Номчууру болгаш боданыры чугула (Иисус 1:8). Номчуп ора, боттарыңарга мындыг айтырыгларны салыңар: «Иегова Бурганның дугайында чүнү билип алдым? Номчаан чүүлүмнү амыдыралымга канчаар ажыглаар мен? Бо шүлүктерни ажыглап, улуска канчаар дузалап болур мен?»
3. Библияны кайы үеде номчуурул?
Библия номчуур үени аңгылап алыры белен эвес деп хөй улус эскерген. Үеңерни шын ажыглаарын оралдажыңар (Эфесчилерге 5:16). Библияны хүннүң-не номчуур дээш, таарымчалыг үени аңгылап алыңар. Чамдык улус Библияны эртен эрте номчуурунга ынак. Өскелери хүндүс номчуур, а үшкүлери удуурунуң бетинде кежээки үени шилип алыр. А силерге кайы үеде эптиг-дир?
ХАНЫ ШИНЧИЛЕҢЕР
Библияны канчаар оон-даа солун кылдыр номчуурун база кичээлдерге белеткенири кайы хире үре-түңнелдиг болурун билип алыр силер.
Чаа чемге ынак апаар дизе, ону чип чаңчыгары чугула. Библия номчууру база шак ындыг.
4. Библияның номчулгазындан өөрүшкүнү алыңар
Библияны номчуп эгелээри — чаа чемге чаңчыгары-биле дөмей. Эгезинде ол чемниң амданы чиктиг бооп болур. Үе эрткенде, аңаа чаңчыгып, чаагайзынып эгелээр бис. 1 Пётр 2:2-ни номчааш, харыылаптыңар:
-
Чүү деп бодаар силер, Библияны хүннүң номчуп тургаш, аңаа ынак апарып, оон өөрүшкүнү ап болур силер бе?
Библияның номчулгазындан чүнүң ачызында өөрүшкүнү ап болурун ВИДЕОДАН көрүңер. Оон бо айтырыгларга харыылаптыңар:
-
Ол элээди оолдар-кыстарга Библияны үргүлчү номчуурунга чүү шаптыктап турган?
-
Оларга сорулгазын чедип алырынга чүү дузалаан?
-
Чүнүң ачызында Библия номчулгазы оларга өөрүшкүнү эккелгенил?
Чүден эгелеп алырыл?
-
Амгы үениң дылында, шын очулганы шилип алыңар. «Чаа делегей» очулгазы силерниң дылыңарда бар болза, ону ажыглаңар.
-
Библияны номчуурда сонуургаан номуңардан эгелеп алыңар. Бо номнуң эгезинде «Библияны номчуп эгелеңер» деп көзенектен оон-даа өске солун аргаларны тып ап болур.
-
Номчаан эгеңерни демдеглеп алыңар. Бо номнуң төнчүзүнде «Библия номчуур график» деп немелде материалды ажыглаңар.
-
JW Library®приложениени ажыглаңар. Ооң дузазы-биле каяа-даа Библияны номчуп, дыңнап болур. Ол приложениени смартфонче азы өске электроннуг херекселче киирип ап болур.
-
«Чаа делегей» очулгазында немелде материалдарны ажыглаңар. Ында бар карталар, таблицалар, словарь дузазы-биле Библияның номчулгазы солун апаар.
5. Библейжи кичээлге белеткениңер
Ырлар 118:34-тү номчааш, харыылаптыңар:
-
Библия номчуурунуң эгезинде азы кичээлге белеткенириниң мурнунда мөргүп алыры чүге чугула?
Кичээл бүрүзү ажыктыг болзун дизе, силерге чүү дузалаар? Кичээлге белеткенип тургаш, мындыг базымнарны шенеңер:
-
Кичээл бүрүзүнүң бир дугаар арнын амы-хууда номчуңар.
-
Бердинген шупту библейжи шүлүктерни ажыткаш, номчуңар. Кичээлдиң темазы-биле ол шүлүктерниң харылзаазы кандыг-дыр, боданып көрүңер.
-
Айтырыгларга харыылап турар кол сөстерни болгаш кол бодалдарны демдеглеп алыңар. Ынчалдыр башкыңар-биле кичээлди сайгарарынга эки белеткенип ап болур силер.
Билир силер бе?
Иегованың Херечилери Библияның аңгы-аңгы очулгаларын ажыглап турар. Ылаңгыя «Чаа делегей» очулгазынга ынак бис, чүге дизе ол очулга ылап шынныг, билдингир болгаш Бурганның адын ажыглап турар. («Иегованың Херечилериниң Библиязы аңгы бе?» деп веб-статьяны көрүңер.)
ЧАМДЫК УЛУС МЫНЧА ДЕП БОЛУР: «Библияны өөренири дыка берге. Ынаар үем-даа, күжүм-даа чок».
-
А силер чүү деп бодаар силер?
КОЛ БОДАЛ
Библияны кайы үеде номчуурун шилип алыңар. Номчаан чүүлүңерни эки билип алыр дээш, мөргүңер. Кичээл бүрүзүнге белеткенип алыңар.
Катаптаашкын
-
Библияның номчулгазы солун, үре-түңнелдиг болурунга силерге чүү дузалаар?
-
Силерге Библияны кайы үеде номчууру, өөренири эптигил?
-
Библейжи кичээл бүрүзүнге белеткенири чүге чугула?
НЕМЕЛДЕ
Библияның номчулгазын солун кылыптар каш аргалар.
«Библияны канчаар солун кылдыр номчуп болур?» («Таңныыл суургазы» № 1, 2017 чыл)
Библияны канчаар номчуп болурунуң үш аргазы.
«Библия меңээ канчаар дузалап болур? Кезек 1. Бурганның Сөзүн шинчилеп, өөрен» (веб-статья)
Библияны номчуурунга канчаар ынак апарып болур?
Библияны шагдан тура номчуп турар улустуң сүмелерин ажыгла.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
