КИЧЭЭЛ 14
Бурганга кандыг шажын таарымчалыг?
Бурган шупту-ла шажыннарны деткип турар дээри шын эвес деп көрген бис. Чаяакчывыска таарымчалыг кылдыр чүдүүрүн, Ыдыктыг Бижилгеден билип алыылыңар (Иаков 1:27).
1. Шын чүдүлгениң үндезини чүде?
Бурганга канчаар чүдүүрүн Библия өөредип турар. Бурганга мөргүлүнге Иисус: «Сээң сөзүң дээрге-ле алыс шын ол-дур» — дээн (Иоанн 17:17). Ынчалза-даа чамдык шажыннар ону херекке албас. Олар алыс шынны кижилерниң ёзу-чаңчылдары-биле солаан. Иегованың дорт айтыышкыннарын үрээн кижи Аңаа удурланып турар. (Номчуптуңар: Марк 7:9.) Бижилгеге дүүштүр Бурганга мөгейип, ында бижээн чүүлдү сагыыр болзувусса, Ону аажок өөртүр бис.
2. Иеговага канчаар чүдүүр ужурлуг бис?
Иегова — Чаяакчывыс чайгылыш чок бердинген чорукка төлептиг (Ажыдыышкын 4:11). Кандыг-даа дүрзү-бурганнарны ажыглавайн, чүгле Иеговага ынакшылдыг бараалгаары шын. (Номчуптуңар: Исайя 42:8.)
Бистиң чүдүлгевис ыдыктыг база Иеговага таарымчалыг болур ужурлуг (Римчилерге 12:1). Ол дээрге бедик мөзү-шынар дүрүмнеринге дүүштүр чурттаары-дыр. Чижээ, Иеговага ынак улус Ооң эр-херээжен чорукка хамаарышкан хоойлуларын хүндүлеп, ол ёзугаар чурттаар ужурлуг. Оон ыңай таакпы, наркотик ажыглаарындан, араганы өй чок ижеринден ойталаары чугула a.
3. Иеговага ха-дуңма-биле кады демниг чүдүүрү чүге чугула?
Неделя санында чыыштарывыска Иегованы алдаржыдар дыка эки аргалыг бис (Ырлар 110:1, 2). Чижээ, чараш, аянныг ырыларны ырлажыр бис. (Номчуптуңар: Ырлар 103:33.) Чыыштар мөңге чуртталгага белеткээр деп билир болгаш, Иегова бисти хуралче ынакшылдыы-биле чалап турар. Аңаа бот-боттарывысты деткип, сорук киирер бис.
ХАНЫ ШИНЧИЛЕҢЕР
Иеговага чүдүүрде чүге дүрзү-бурганнарны ажыглап болбазын база Бурганны канчаар алдаржыдарын билип алыр силер.
4. Бурганга чүдүүрде дүрзү-хевирлерни ажыглап болбас
Бурган ону чүүлзүнмес деп кайыын билир бис? ВИДЕОНУ көргеш, айтырыгга харыылаптыңар:
-
Бурганга чүдүүр дээш дүрзү-бурган ажыглап эгелээн улус-биле чүү болган?
Чамдык улус дүрзү-хевирлер таварыштыр боттарын Бурганга чоок кылдыр миннип турар. Шынында Бургандан ырап турарлар. Канчалдыр? Хосталыышкын 20:4—6 биле Ырлар 105:35, 36-ны номчааш, харыылаптыңар:
-
Бурганга чүдүүрде кижилер кандыг дүрзү-хевирлерни ажыглап турар?
-
Иегованың аңаа хамаарылгазы кандыг?
-
Бурганга чүдүүрде дүрзү-хевирлер ажыглаарынга хамаарыштыр силерниң бодалыңар кандыг?
5. Чүгле Иеговага чүдүүр болзувусса, меге өөредиглерден болгаш бүдүүлүк чоруктан хосталыр бис
Иегованың дугайында алыс шын билиг меге өөредиглерден канчаар хостаарын ВИДЕОДАН көрүңер.
Ырлар 90:14-тү номчааш, харыылаптыңар:
-
Чүгле Иеговага чүдүп, ынак боор болзувусса, Ол бисти канчаар шаңнаар?
6. Ужуражылгаларывыска Бурганга чүдүп турар бис
Ужуражылгаларга Иегованы алдаржыдып, ырылар болгаш харыыларывыс-биле бот-боттарывысты деткижип турар бис. Ырлар 21:23-тү номчааш, харыылаптыңар:
-
Чыышка өске улустуң харыыларын дыңнаарынга ынак-тыр силер бе?
-
Харыы белеткеп алыксаар-дыр силер бе?
7. Библиядан билиглеривисти үлежиривиске Иегова өөрүп турар
Библейжи алыс шынны үлежир аргалар хөй. Ырлар 9:2 биле 33:2-ни номчааш, харыылаптыңар:
-
Библиядан билип алганыңар кандыг чүүлдүң дугайында улуска чугаалаксаар-дыр силер?
ЧАМДЫК УЛУС МЫНЧА ДЕП БОЛУР: «Шупту шажыннар Бурганга чедирер».
-
А силер чүү деп бодаар силер?
КОЛ БОДАЛ
Чаяакчывыска канчаар чүдүүрүвүс болгаш Ону чыыштарга алдаржыдарывыс чугула. Оон ыңай Библиядан билип алган чүүлүвүстү суртаалдаар ужурлуг бис.
Катаптаашкын
-
Бурганга канчаар шын чүдүүрүн кайыын билип ап болур?
-
Чүге чүгле Иеговага чүдүүр ужурлуг бис?
-
Бурганга ха-дуңма-биле кады чүдүүрү чүге чугула?
НЕМЕЛДЕ
Бир херээжен кижиниң дүрзү-бурганнардан канчаар хосталып алганын номчуңар.
«Алыс шын чуртталганы өскертир» («Таңныыл суургазы» июль 1, 2011 чыл)
Чыыштарга харыылаарынга чүү дузалаарын номчуп көрүңер.
«Иегованы чыышка алгап-мактаңар» («Таңныыл суургазы» январь, 2019 чыл)
Бир аныяк кижиге чыыштарже баары берге-даа турган болза, чыыштар аңаа канчаар дузалаанын видеодан көрүңер.
Крест дээрге христиан чүдүлгениң демдээ дээр, ол шын бе? Бурганга чүдүүрде ону ажыглап болур бе?
«Иегованың Херечилери Бурганга чүдүүрде чүге крест ажыглавас?» (веб-статья)
a Бо темаларны тодаргайы-биле өске кичээлдерге сайгарар бис.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
