Иегова корум-чурумга ынак, Ооң чону база чурумнуг (1 Коринфичилерге 14:33). Христиан чыыш канчаар тургустунган? Кижи бүрүзү корум-чурумну сагып, үлүүн канчаар киирип болур?

1. Чыышта кым эң кол?

Чыыштың баштыңы — Иисус (Эфесчилерге 5:23). Бүгү делегейде Иегованың чонунуң ажыл-чорудулгазын ол дээрден башкарып турар. Иисус дуржулгалыг удуртукчулардан тургустунган «шынчы болгаш сарыылдыг чалчаны», азы Удуртукчу чөвүлелди, шилип каан. (Номчуптуңар: Матфей 24:45—47.) Бирги векте христианнарның ажыл-чорудулгазын элчиннер биле удуртукчулар баштап турган. Бөгүн чыыштарга айтыышкыннарны Удуртукчу чөвүлел бээр (Ажыл-чорудулга 15:2). Ындыг-даа болза, оларны организацияда эң кол улус деп болбас. Олар Иисуска чагыртып, Иегованың үзел-бодалын билип алыр дээш, Бижилгени кичээнгейлиг шинчилеп турарлар.

2. Удуртукчулар дээрге кымнарыл база чүнү кылып турарлар?

Удуртукчулар — дуржулгалыг христиан эр улус-тур. Олар Иегованың чонун Библияга үндезилеп өөредип, төлевир чокка чыыш дээш сагыш човап турар. Удуртукчулар күзелдии-биле бараалгаар, кызымак болгаш ажык-кончаа сүрбес (1 Пётр 5:1, 2). Оларга чоорту хуралдың удуртукчулары апаар акылар дузалажып турар.

Удуртукчу чөвүлел чамдык удуртукчуларны кожуун хайгааракчылары кылдыр томуйлап турар. Олар айтыышкыннарны дамчытпышаан, ха-дуңманы сорук киирип, чыыштарны эргий кезип чоруур. Кожуун хайгааракчылары библейжи негелделерге дүгжүп турар чыышта акыларны удуртукчулар болгаш дузалакчылар кылдыр томуйлаар (1 Тимофейге 3:1—10, 12; Титке 1:5—9).

3. Бараалгакчы бүрүзүнде кандыг харыысалга бар?

Чыышта шупту улус ужуражылгаларга идепкейлиг киржип, шыдаар шаа-биле суртаалдап, Иегованың адын алгап-мактап турар. (Номчуптуңар: Ырлар 148:12, 13.)

 ХАНЫ ШИНЧИЛЕҢЕР

4. Иисус — эң эки удуртукчу

Иисус кижи бүрүзүнге үнелиг арганы берген. Матфей 11:28—30-ни номчааш, харыылаптыңар:

• Иисус аас-кежиктиг болурувусту күзеп турарын кайыын билир бис?

5. Удуртукчулар — эки үлегер

1. Удуртукчулар боттары болгаш чоок улузу Иегова-биле быжыг харылзаалыг болурун кызып чоруур

2. Удуртукчулар чыышта кижи бүрүзү дээш сагыш човап турар

3.   Удуртукчулар үргүлчү суртаалдап турар

4. Удуртукчулар чыышта өөредип, ашталгага база өске-даа даалгаларга киржип турар

6. Удуртукчулар-биле кады ажылдажып болур бис

Удуртукчулар-биле кады ажылдажырының чугула чылдагаанын Библияда айтып каан. Еврейлерге 13:17-ни номчааш, харыылаптыңар:

• Удуртукчуларны дыңнаары чөптүг бе? Тайылбырлаптыңар.

Лука 16:10-ну номчааш, харыылаптыңар:

• Шоолуг чугула эвес ышкаш айтырыгларга безин удуртукчуларны дыңнаары чүге чугула?

 КОЛ БОДАЛ

Иисус — чыыштың баштыңы. Удуртукчулар сагыш човангыр, Иисустан үлегер алыр боорга, кады ажылдажыры өөрүнчүг.

Катаптаашкын

• Чыышта кым эң кол?

• Удуртукчулар чыышка чүге херек?

• Бараалгакчы бүрүзү кандыг хүлээлгелиг?