КИЧЭЭЛ 25
Бурган кижилерни чүү дээш чаяаган?
Кижиниң чуртталгазы «кыска, качыгдал-биле пөккен» деп, Библия шынныы-биле чугаалаан (Иов 14:1). Ындыг чуртталганы Бурган күзээн бе? Ооң күзел-бодалы кандыгыл? Бурганның күзели бүдер бе? Ийе, идегел бар.
1. Иегова биске кандыг чуртталганы күзеп турар?
Иегова биске эң-не дээре чуртталганы күзеп турар. Адам биле Еваны чараш Эдем садынга чурттадып кааш, Бурган йөрээген: «Өзүп-көвүдеңер, черниң кырын ээлеңер» (Эге дөс 1:28). Ажы-төлдүг болурун, бүгү черни сесерлик кылдыр хуулдурарын база дириг амытаннар дээш сагыш човаарын оларга Иегова дааскан. Шупту кижилерге долузу-биле кадык болгаш мөңге чуртталганы Ол күзээн.
Бөгүнгү чуртталга көңгүс өске, ынчалза-даа Бурган сорулгазындан ойталаваан (Исайя 46:10, 11) a. Дыңнангыр кижилер эң-не дээре байдалга мөңгеде чурттазын дээн Бурганның күзели ам-даа өскерилбээн. (Номчуптуңар: Ажыдыышкын 21:3, 4.)
2. Чуртталганың ужур-утказы чүдел?
Бурган бисти Ооң-биле харылзаа тудар хереглелдиг кылдыр чаяаган. (Номчуптуңар: Матфей 5:3—6.) Ооң чоок өңнүктери апарып, ынакшылдыг, бүгү сеткиливистен бараалгаарывысты Иегова күзеп турар (Ыдыктыг хоойлуну катаптааны 10:12; Ырлар 24:14). Бергелер бар-даа болза, чүгле ынчаар ёзулуг аас-кежиктиг болур бис. Иеговага чүдүүрү чуртталгавысты алыс шын утка-биле долдурар.
ХАНЫ ШИНЧИЛЕҢЕР
Иегова черни кайы хире ынакшылдыг белеткээнин, чуртталганың утказынга хамаарыштыр Ооң Сөзүнде чүнү чугаалаанын билип алыр силер.
3. Иегованың кижилерге күзел-бодалы дыка солун
ВИДЕОНУ көргеш, харыылаптыңар:
-
Бурган онзагай бөмбүрзээвисти чүге чаяап каан?
Экклесиаст 3:11-ни номчааш, харыылаптыңар:
-
Бо шүлүктен Иегованың дугайында чүнү билип алдыңар?
4. Иегованың күзел-бодалы өскерилбээн
Ырлар 36:11, 29 биле Исайя 55:11-ни номчааш, харыылаптыңар:
-
Иегова биске хамаарышкан сорулгазын өскертпээнин кайыын билир бис?
Байдалы баксыраан бажыңны септеп ап болур. Ол ышкаш Бурган биле шынчы кижилер тоомча чок эдилээн черни катап тургузуптар.
5. Иеговага чүдүүрү чуртталгавысты ёзулуг ужур-уткалыг болдурар
Чуртталганың ужур-утказын билири биске аас-кежикти эккээр. ВИДЕОНУ көргеш, айтырыгга харыылаптыңар.
-
Чуртталганың ужур-утказын билип алганы Терумиге кандыг дээштиг болган?
Экклесиаст 12:13-тү номчааш, харыылаптыңар:
-
Иегованың кылган бүгү чүүлү дээш, четтиргенивисти канчаар илередип болур бис?
БИР КИЖИ МЫНЧААР АЙТЫРЫП БОЛУР: «Бис чүү дээш чурттап чоруур бис?»
-
Чүү деп харыылаар силер?
КОЛ БОДАЛ
Бисти черге мөңгеде, эң-не эки байдалга чурттаарын Иегова күзеп турар. Аңаа чүрээвистиң ханызындан чүдүүр болзувусса, чуртталгавыс амдан эгелеп ужур-уткалыг болур.
Катаптаашкын
-
Иегова Адам биле Евага кандыг чуртталганы күзээн?
-
Бурган кижилерге хамаарыштыр күзел-бодалын өскертпээнин кайыын билир бис?
-
Чуртталгаңарга ужур-утканы канчаар киирип болур силер?
НЕМЕЛДЕ
Эдем сады шынап турган деп бадыткалдарны көрүңер.
«Эдем сады. Тоол бе?» («Таңныыл суургазы» январь 1, 2011 чыл)
Чер кезээ-мөңгеде чаяаттынган деп бадыткалдарны көрүңер.
«Чуртталганың ужур-утказы чүдел?» деп айтырыгга Библияның харыызын номчуңар.
Шупту чүвези бар кижиниң чуртталгазында чүү четпейн турганын билип каанын көрүңер.
a Чүге шупту чүве өскээр болганын дараазында кичээлден билип алыр силер.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
