КИЧЭЭЛ 34
Иеговага ынакшылывысты канчаар көргүзер бис?
Библияны өөренип эгелээнден бээр Бурган-биле харылзааңар чоок апарган бе? Араңарда харылзаа оон-даа быжыг болурун күзээр силер бе? Иеговага ынакшылыңар өскен тудум, Ол силерге ынак апарып, силерни үнелээр деп утпаңар. Бурганга ынакшылыңарны канчаар көргүзүп болур силер?
1. Иеговага ынакшылывысты канчаар көргүзүп болур бис?
Иеговага ынакшылывысты дыңнангырывыс-биле көргүзер бис. (Номчуптуңар: 1 Иоанн 5:3.) Бурган Бодунуң хоойлуларын сагыыр кылдыр кижилерни албадавайн турар. Харын-даа шилип алыр хостуг эргени берген. Чүге? Аңаа чүрээвистиң ханызындан чагыртып, ынак болурувусту Ол күзеп турар (Римчилерге 6:17). Бо номнуң 3 биле 4 дугаар кезектери силерге Бурганның ынак чүүлүн кылып өөренип алырынга, а Ону хомудадыптар чүүлдерден ойталаарынга дузалаар.
2. Чамдыкта Бурганга дыңнангыр болуру чүге берге?
Библияда: «Чөптүг-шынныг кижиниң таваржыр айыылы хөй» — дээн (Ырлар 33:20). Шупту кижилерде кошкак талалар бар. Кижи бүрүзү чөптүг эвес чорукка, акша-көпеектиң чедишпезинге база өске бергелерге таваржыр. Бурганның хоойлуларын сагыыры берге, а бодунуу-биле кылыры белен апарып болур. Иегованың бодалын кол деп санап, дыңнангыр бооп, бердингениңерни көргүзер болзуңарза, Ол силерни кажан-даа кагбас (Номчуптуңар: Ырлар 4:4.)
ХАНЫ ШИНЧИЛЕҢЕР
Дыңнангыр чорукту Иегова чүге бедик үнелээрин база бердинген болурунга чүү дузалаарын көөр бис.
3. Силерге буруу онааттынган
Библияда Эрлик чүгле Бурганга шынчы Иовту эвес, а Иеговага дыңнангыр шупту кижилерни буруудатканын бижээн. Иов 1:1, 6—2:10-ну номчааш, харыылаптыңар:
-
Эрлик Иовту канчаар буруудаткан? (Көрүңер: Иов 1:9—11.)
-
Ол шупту кижилерни канчаар буруудатканыл? (Көрүңер: Иов 2:4.)
Иов 27:5б-ни номчааш, харыылаптыңар:
-
Иов Иеговага ынакшылын канчаар бадыткаан?
Иов Бурганга ынакшылын бердингени-биле бадыткаан
Иеговага ынакшылывысты дыңнангырывыс-биле бадыткаар бис
4. Иегованы өөртүңер
Чугаалар 27:11-ни номчааш, харыылаптыңар:
-
Дыңнангыр болгаш мерген угаанныг алдынарыңарга Иегова чүнү миннир? Чүге?
5. Иеговага бердинген болуп шыдаар силер
Бурганга ынакшылыңар өске кижилерге Ооң дугайында чугаалаар идигни бээр. Ону кылыры берге-даа болза, Бурганга бердингенивис дузалаар. ВИДЕОНУ көргеш, айтырыгга харыылаптыңар:
-
Иегованың дугайында өске улуска чугаалаары силерге берге бе?
-
Коргуушкунну ажып эртеринге Грейсонга чүү дузалаан?
Иеговага ынак болзувусса эки чүүлге ынак, бачытка хөңнүвүс чок болуру биске белен. Ырлар 96:10-ну номчааш, харыылаптыңар:
-
Иегова чүү чүвеге ынак, а чүнү көөр хөңнү чок?
-
Буянныг чүүлге ынак, бак чүүлге хөңнү чок кылдыр канчаар өөренип ап болур?
6. Иегованы дыңнаары ажыктыг
Бурганның күзели-биле кылыры — эң эки шиитпир. Исайя 48:17, 18-ти номчааш, харыылаптыңар:
-
Биске чүү эң эки болурун Иегова билир деп бүзүрээр силер бе? Чүге?
-
Бурганның дугайында база Бижилгеден өске-даа билиглер силерге чүзү-биле ажыктыг болду?
ЧАМДЫК УЛУС МЫНЧА ДЕП БОЛУР: «Мээң канчаар чурттап чоруурум Бурганга хамаанчок».
-
Ол кижиге Иегованың дугайында тайылбырлап бээр дээш, кайы шүлүктү көргүзер силер?
КОЛ БОДАЛ
Бергелер турза-даа, Иеговага ынакшылыңарны дыңнангырыңар болгаш бердингениңер-биле көргүзүп болур силер.
Катаптаашкын
-
Иовтуң чижээнден чүнү өөренип алдыңар?
-
Иеговага ынааңарны канчаар көргүзүп болур силер?
-
Иеговага бердинген бооп артарынга силерге чүү дузалаар?
НЕМЕЛДЕ
Иеговага болгаш чыышка бердингенин канчаар көргүзер?
Эрликтиң кижилерге удур буруудадыышкыннарын номчуп көрүңер.
Бичии уруглар Иеговага ынакшылын көргүзүп болур.
Элээди ажы-төл үе-чергезиниң салдарынга алыспайн, Бурганга канчаар бердинген артып каап болур?
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
