КИЧЭЭЛ 47
Сугга суктурарынга белен силер бе?
Библиядан Иегованың дугайында хөйнү билип алгаш, ол билиглериңерни амыдыралга ажыглап эгелээн чадавас силер. Амдыызында Бурганга чуртталгаңарны бараалгадырын дидинмейн турарыңар чадапчок. Бо кичээлге сугга суктурарынга колдуунда чүү шаптыктап болурун база ону канчаар ажып эртерин сайгарар бис.
1. Сугга суктуруп алыр дизе, кайы хире билиглер херек?
Сугга суктурарының мурнунда «алыс шынны билип» алыры чугула (1 Тимофейге 2:4). Ол дээрге библейжи айтырыг бүрүзүнүң харыызын билир дивээни ол. Шагда-ла сугга суктурган христианнар безин ам-даа өөренип турар (Колосчуларга 1:9, 10). Кол билиглерни эки билири чугула, ынчангаш хуралдың удуртукчулары билиглериңерниң четчирин тодарадып алырынга дузалаар.
2. Сугга суктуруп алырынга кандыг базымнар херек?
Сугга суктуруп алырда ийи чугула базымны кылырын Библия көргүскен: «Бачыттарыңар... миннип, Бурганче эглиңер». (Номчуптуңар: Ажыл-чорудулга 3:19). Ол дээрге, ооң мурнунда частырыглар дээш хараадап, Иеговадан өршээлди дилээри. Оон аңгыда, кижи Бурганның дүрүмнерин сагып, бачыт кылбас деп быжыг хөөнненип алыр ужурлуг. Чыыштарже барып, акы-угбалар-биле суртаалдаары база чугула.
3. Сугга суктурарындан чүге кортпас болза эки?
Чамдык улус Иеговага аазаашкын бергеш, күүседип шыдавайн баарындан коргар. Часпас кижи чок болгай. Библиядан алырга, шынчы-даа кижилер чазыптар чораан. Иегова бараалгакчыларындан тергиин чорукту манавайн турар (Ырлар 102:13, 14). Болдунар-ла чүүлдү кылырыңарга, Ол дыка өөрүүр! Силерге Бурган албан дузалаар. «Чүү-даа чүве Бурганның... ынакшылындан бисти чара кирип шыдавас» — деп, бүзүрелдиг болуруңарны Иегова күзеп турар. (Номчуптуңар: Римчилерге 8:38, 39.)
ХАНЫ ШИНЧИЛЕҢЕР
Иегованың дугайында билиглер болгаш Ооң деткимчези сугга суктурарынга шаптыктыг моондактарны ажып эртеринге канчаар дузалаарын көрүңер.
4. Иегованы эки билип алыңар
Сугга суктурарының мурнунда Иегованы эки билип алыры чүге чугула? Ынакшылыңар болгаш Бурганның чүрээн өөртүр күзелиңер тыптып кээр кылдыр Ону эки билип алыры чугула. Аңгы-аңгы чурттардан улус сугга суктурарынга канчаар белеткенип алганын ВИДЕОДАН көрүңер. Оон айтырыгларга харыылаптыңар.
-
Ол улуска сугга суктурарынга чүү дузалаан?
Римчилерге 12:2-ни номчааш, харыылаптыңар:
-
Библияның кандыг-бир өөредиинге азы Иегованың Херечилериниң алыс шынга өөредип турарынга хамаарыштыр чигзиниглериңер бар бе?
-
Ийе болза, ону канчаар шиитпирлеп болур силер?
5. Сугга суктурарынга чүү-даа шаптыктавазын!
Иеговага чуртталгавысты бараалгадып, сугга суктурар деп шиитпирлеп алган соонда, шуптувус бергелерге албан таваржыр бис. Бир херээжен кижиниң чижээн ВИДЕОДАН көргеш, айтырыгларга харыылаптыңар.
-
Угбавыска сугга суктурарынга чүү шаптыктап турганыл?
-
Ооң Иеговага ынакшылы бергелерни канчаар ажып эрткенил?
Чугаалар 29:25 биле 2 Тимофейге 1:7-ни номчааш, харыылаптыңар:
-
Коргуушкунну тиилеп, эрес-дидим болурунга биске чүү дузалаар?
6. Иегова силерге дузалаар деп чигзимеңер
Ооң негелделерин сагыырынга Иегова силерге дузалаар. ВИДЕОНУ көргеш, айтырыгларга харыылаптыңар.
-
Ол эр кижи сугга суктурарындан чүге дидинмейн турган?
-
Иеговага идегеп өөрениринге аңаа чүү дузалаан?
Исайя 41:10, 13-тү номчааш, харыылаптыңар:
-
Иеговага аазаашкыныңарга шынчы артып шыдаар мен деп, чүге бүзүрээр силер?
7. Иегованың ынакшылын үнелеңер
Иегованың силерге кайы хире ынаан билип алган тудум, Аңаа четтиргениңерни илередип, мөңгеде бараалгаар күзелиңер оон-даа күштелир. Ырлар 39:6-ны номчааш, харыылаптыңар:
-
Ылаңгыя чүү дээш Иеговага четтиргениңерни илередир силер?
Иегованың Сөзүн, Ооң адын эдилээрин Иеремия бедик үнелеп чораан: «Сээң сөстериң сеткил-чүрээмниң өөрүшкүзү, хөглээшкини апарды, чүге дээрге Сээң адың эдилеп чоруур болгай мен, Иегова» (Иеремия 15:16, Чаа делегей). Айтырыгларга харыылаптыңар:
-
Иегованың Херечизи болуру чүге улуг алдар-хүндү?
-
Иегованың Херечизи болур дээш, сугга суктурар күзелиңер бар бе?
-
Ол базымны кылырынга силерге шаптыктап турар чүүл бар бе?
-
Ол сорулганы чедип алырда, оон ыңай чүнү кылыры чугула?
ЧАМДЫК УЛУС МЫНЧА ДЕП БОЛУР: «Сугга суктурары — эмин эртир улуг харыысалга, ынчангаш коргар мен, шыдавас мен».
-
Силерге ындыг минниишкиннер турган бе?
КОЛ БОДАЛ
Сугга суктурарынга шаптыктап турар бергелерни шиитпирлээринге Иегова силерге дузалаар.
Катаптаашкын
-
Сугга суктуруп алыр дизе, Бижилгени кайы хире эки билири чугула?
-
Сугга суктуруп алыр дизе, чуртталгада чүнү өскертир ужурлугул?
-
Чүге ол базымны кылырындан кортпас болза эки?
НЕМЕЛДЕ
Сугга суктурарынче силерни чүү оттуруп болурун номчуп көрүңер.
«Сугга суктурарынга белен силер бе?» («Таңныыл суургазы» март, 2020 чыл)
Сугга суктурарынга таваржып болур моондактарны канчаар ажып эртер?
«Мээң сугга суктуруп аарымга чүү шаптыктап турарыл?» («Таңныыл суургазы» март, 2019 чыл)
Бир эр кижиге сугга суктурарынга шаптыктаан улуг бергелерни ажып эртеринге, чүү дузалаанын көрүңер.
Ата баштай сугга суктурарын күзевейн турган. Ынчалза-даа чугула базымны чүге кылган?
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
