КИЧЭЭЛ 48
Эки эштерни шилиири чугула
Кижиниң чоок эш-өөрү өөрүшкүнү үргүлчү үлежип, берге үелерде деткип чоруур. Бурганның Сөзүнде кижи бүрүзү ёзулуг эш болбас деп кичээндирип чугаалаан. Ынчаарга канчаар эки эш-өөрнү шилиир? Ону сайгарыптаалыңар.
1. Эш-өөр биске кандыг салдарлыг?
Чуртталгада азы интернетке кым-биле үени эрттирип турар-дыр бис, олар биске эки-даа, багай-даа салдарны чедирер. Бижилгеде мынча дээн: «Мерген угаанныг улус-биле эдеришкеш, мерген угаанныг апаар сен, а мелегейлер-биле [Иеговага ынак эвес улус-биле] эштешкеш, айыылдан чайлавас сен» (Чугаалар 13:20). Бурганга ынак эш-өөр Аңаа шынчы болурунга база эки шиитпирлер үндүреринге дузалаар. Чыыштан дашкаар улус-биле чоок найырал тударын Библия оваарындырып турар, чүге дизе олар бисти Иеговадан ырадып болур. А Бурганга ынак улус удур-дедир деткижип, сорук киирип, бот-боттарынга эки салдарны чедирер (1 Фессалоникчилерге 5:11).
2. Кандыг эштер шилип ап турарывыс Иеговага чугула бе?
Иегова эш-өөрнү кичээнгейлиг шилиир. Ыдыктыг Бижилгеде: «Чөптүг-шынныг улуска Бурган — чоок өңнүк» дээн (Чугаалар 3:32, Чаа делегей). Иеговага ынак эвес улус-биле чоок эдержир болзувусса, Аңаа дыка хомуданчыг! (Номчуптуңар: Иаков 4:4.) А Бурганга ынак улус-биле эдержирге, Ол дыка өөрүүр. Багай салдарлыг улус-биле найырал тутпас болзувусса, Иегова ону үнелээр. Ооң-биле найыралывысты сайзырадыр дээн күжениишкиннеривис шаңналдыг — Бурган бистиң чоок Өңнүүвүс апаар (Ырлар 14:1—4).
ХАНЫ ШИНЧИЛЕҢЕР
Эш-өөрнү кичээнгейлиг шилиири чүге чугула? Ужур-уткалыг, ёзулуг найыралды канчаар тудар?
3. Багай эш-өөрден оваарныңар
Бурганны тоовас, Ооң негелделерин сагывас улус-биле найырал эки болбас. ВИДЕОНУ көргеш, айтырыгга харыылаптыңар.
-
Канчалдыр багай салдарга бүдүү алзып болур бис?
1 Коринфичилерге 15:33-тү номчааш, харыылаптыңар:
-
Кандыг улус силерге бак эш-өөр апарып болур? Чүге?
Ырлар 118:63-тү номчааш, харыылаптыңар:
-
Эш-өөрнү канчалдыр шилиир болза эки?
4. Силерге дөмей эвес кижи эжиңер апарып болур
Хаан кижиниң оглу Ионафан биле кадарчы оол Давид доңнаттынган быжыг найыралдыг чорааннар. Оларның аразы үжен хар турган. 1 Хааннар 18:1-ни номчааш, харыылаптыңар:
-
Ёзулуг найыралга назы-хары, амыдыралда байдалы чүге шаптык болбас?
Римчилерге 1:11, 12-ни номчааш, харыылаптыңар:
-
Иеговага ынак өңнүктер бот-боттарын канчаар деткижип болур?
Аныяк акывыс бодундан көңгүс өске эшти канчаар тып алганын ВИДЕОДАН көргеш, айтырыгларга харыылаптыңар.
-
Акил школага эштерлиг апаарга, ада-иези чүге дүвүреп турган?
-
Акил эгезинде ол эштери-биле чүге эдержип турган?
-
Чааскаанзыралдан адырлып алырынга Акилге чүү дузалаан?
5. Ёзулуг найырал чүден хамааржыр?
Ёзулуг эш-өөрнү канчаар тып алыр? Кижи боду канчаар эки эш бооп болур? ВИДЕОНУ көрүңер.
Чугаалар 18:25 биле 27:17-ни номчааш, харыылаптыңар:
-
Ёзулуг эштер бот-боттарын канчаар деткижер?
-
Эки эштериңер бар бе? Эки эш-өөрнү канчаар тып ап болур силер?
Филипчилерге 2:4-тү номчааш, харыылаптыңар:
-
Эки эштиг болур дизе, кижи боду база эки эш болур ужурлуг. Ол чүү дээни ол?
ЧАМДЫК УЛУС МЫНЧА ДЕП БОЛУР: «Чааскаан болурунуң орнунга кандыг-даа кижи-биле эдеришкей».
-
Чүү деп харыылаар силер?
КОЛ БОДАЛ
Эш-өөрнү кичээнгейлиг шилиир болзувусса, Иегованы өөртүр бис.
Катаптаашкын
-
Кым-биле эдержип чоруурувус Иеговага чүге чугула?
-
Кандыг улус-биле эдеришпес болза эки?
-
Ёзулуг эштиг болур дизе, чүнү канчаар?
НЕМЕЛДЕ
Эки эш-өөр берге үелерде канчаар дузалаарыл?
«Төнчү үезинде найыралыңарны быжыглаңар» («Таңныыл суургазы» ноябрь, 2019 чыл)
Эки эш-өөрлүг болур дизе, чүнү канчап болурун номчуп көрүңер.
«Эки эш-өөрнү канчаар тып алырыл?» («Аныяктарның айтырыгларынга харыылар», том 1, эге 8)
Интернетке найырал дугайында чүнү билири чугула?
Бир эр кижиге эки эш-өөрнү шилииринге чүү дузалаанын номчуп көрүңер.
«Алыс шын чуртталганы өскертир» («Таңныыл суургазы» апрель 1, 2012 чыл)