КИЧЭЭЛ 50
Өг-бүлениң аас-кежии чүден хамааржыр? (кезек 2)
Ажы-төл — Бургандан белек. Ада-иелер ажы-төлү дээш сагыш човаар ужурлуг. Ону канчаар кылырын Иегова айтып берген. Оон аңгыда, өг-бүлези аас-кежиктиг болурунга ажы-төл канчаар үлүүн киирип болурун база Бурган чугаалаан.
1. Иегова ада-иелерге чүнү сүмелеп турар?
Ада-иелер ажы-төлүнге ынак болурун база кады хөй үени эрттирерин Иегова күзеп турар. Оон аңгыда, ажы-төлүн айыылдан камгалаарын, библейжи дүрүмнерге кижизидерин оларга чагаан (Чугаалар 1:8). Ажы-төлдү Иегованың чуруму болгаш өөредии ёзугаар өстүрүп-кижизидери эң чугула. (Номчуптуңар: Эфесчилерге 6:4.) Уругларын кижизидерде, Бурганның айтыышкыннарын, дүрүмнерин эдерип, ол хүлээлгени өскелерже чууй кагбас болза эки.
2. Иегова ажы-төлге чүнү сүмелеп турар?
Иегова ажы-төлдү: «Бүгү талазы-биле ада-иеңерни дыңнаңар» — деп чагаан. (Номчуптуңар: Колосчуларга 3:20.) Ажы-төл ада-иезинге хүндүткелдиг, дыңнангыр боор болза, Иегова-даа, ада-иези-даа өөрүүр (Чугаалар 23:22—25). Иисус ажы-төлге эки үлегерни көргүскен. Ол тергиин эвес ада-иезин безин дыңнап, хүндүлеп чораан (Лука 2:51, 52).
3. Силерниң өг-бүлеңер Бурганга канчаар чоокшулап болур?
Ажы-төлүңер, силер ышкаш, Иеговага дыка ынак болурун күзээр болгай силер. Ону канчаар чедип ап болур? Бижилгеде Иегованың сөзүн «ажы-төлүңге... бажыңыңга олургаш-даа, орукка чорааш-даа... чугаалап чор» — дээн (Ыдыктыг хоойлуну катаптааны 6:7). Ажы-төл бир-ле чүүлдү сактып алзын дизе, оларга ону катаптаары чугула. Катаптаашкын — өөредилгениң чугула кезии. Кандыг-даа үеде ажы-төлүвүске Иегованың дугайында чугаалаары чугула. Өг-бүле мөгейиишкининче азы Библияны өөрениринче неделя санында үени үндүрүңер. Ажы-төл чок болзуңарза, дөмей-ле эжиңер-биле кады неделя санында Бурганның Сөзүн өөрениңер.
ХАНЫ ШИНЧИЛЕҢЕР
Өг-бүлеңерге аас-кежикти болгаш камгалалды минниринге кандыг библейжи дүрүмнер дузалап болур?
4. Ынакшылдыг кижизидилге
Ажы-төл кижизидери — амыр эвес даалга. Бурганның Сөзү канчаар дузалап болур? Иаков 1:19, 20-ни номчааш, харыылаптыңар:
-
Ада-иези ажы-төлү-биле чугаалажырда ынакшылды канчаар көргүзүп болур?
-
Ажы-төлдү хорадап тургаш кезедири чүге шын эвес? a
5. Ажы-төлдү камгалаңар
Эр-херээжен харылзаа дугайында чугаалажыры эпчок-даа болза, ажы-төлдү камгалаар дээш, төл бүрүзү-биле ону чугаалажыры дыка чугула. ВИДЕОНУ көргеш, айтырыгларга харыылаптыңар:
-
Чамдык ада-иелерге эр-херээжен харылзаа деп темага чугаалажыры чүге белен эвес?
-
Чамдык ада-иелер ажы-төлү-биле эр-херээжен харылзаа деп теманы канчаар сайгарып турар?
Бо делегейде кижилерниң мөзү-шынары кудулап, оон-даа дорайтаар деп Библияда баш удур чугаалаан. 2 Тимофейге 3:1, 13-тү номчааш, харыылаптыңар:
-
13 дугаар шүлүкте улуска чаш уруглар көгүдер чазарлакчылар база хамааржыр. Эр-херээжен чорук дугайында кижизидилгени берип, чазарлакчылардан канчаар камгаланырын ажы-төлүнге тайылбырлаары чүге чугула?
Билир силер бе?
Эр-херээжен кижизидилгеге дузалаар хөй ном-дептерни Иегованың Херечилери үндүрген, чижээ:
-
«Ажы-төлүңерни камгалаңар» (видео);
-
«Өндүр улуг Башкыдан өөрен» 10 биле 32 дугаар эгелер;
-
«Ажы-төлдү эр-херээжен чорукка хамаарыштыр канчаар кижизидер?» («Оттуп келиңер!» № 5, 2016).
6. Ада-иеңерни хүндүлеңер
Ажы-төл болгаш аныяк-өскен ада-иези-биле хүндүткелдиг чугаалажыр болза эки. ВИДЕОНУ көргеш, айтырыгларга харыылаптыңар.
-
Ада-иези-биле хүндүткелдиг чугаалажыры чүге чугула?
-
Ада-иези-биле чугаалажып тургаш, хүндүткелди канчаар көргүзерил?
Чугаалар 1:8-ти номчааш, харыылаптыңар:
-
Ада-иезиниң айтыышкынын ажы-төл канчаар күүседир ужурлуг?
7. Иеговага бүгү өг-бүлеңер-биле мөгейиңер
Иегованың Херечилери неделя санында өг-бүле мөгейиишкинин эрттирип турар. Аңаа чүнү канчап болур? ВИДЕОНУ көргеш, айтырыгларга харыылаптыңар:
-
Өг-бүле мөгейиишкинин үргүлчү эрттиреринге чүү дузалаар?
-
Өг-бүле мөгейиишкини ажыктыг болгаш солун боор кылдыр, ада-иелер чүнү кылып болур? (Кичээлдиң эгезинде чурукту көрүңер.)
-
Өг-бүлеңер-биле кады Библияны өөрениринге чүү шаптыктап болур?
Ыдыктыг Бижилгеден бодалдарны кады үргүлчү сайгарзын деп, бурунгу үеде өг-бүлелерден Иегова күзеп турган. Ыдыктыг хоойлуну катаптааны 6:6, 7-ни номчааш, харыылаптыңар:
-
Бо дүрүмнү өг-бүлеңерге канчаар ажыглап болур силер?
Өг-бүле мөгейиишкинин канчаар эрттирип болур?
-
Кады чыышка белеткениңер.
-
Өг-бүледе кежигүн бүрүзүнге солун библейжи төөгүнү азы үзүндүнү кады номчааш, сайгарыңар.
-
Уругларыңар бичии болза, jw.org сайтыдан даалгаларны үндүрүп алыңар.
-
Элээди ажы-төлге jw.org сайтыда статьядан кады сайгарыңар.
-
Ажы-төлүңер-биле кандыг-бир библейжи төөгүнү ойнап көргүзүңер.
-
JW.ORG сайтыдан видеону кады көрүп, сайгарыңар.
ЧАМДЫК УЛУС МЫНЧА ДЕП БОЛУР: «Бичии уругларга Библияны билип алыры берге».
-
Чүү деп харыылаар силер?
КОЛ БОДАЛ
Ада-иелер ажы-төлүн өөредип, камгалап база оларга ынак болзун деп, Иегова күзеп турар. А ажы-төлү ада-иезин хүндүлеп, дыңнап, кады Бурганга мөгеер болза, Иегова база дыка өөрүүр.
Катаптаашкын
-
Ада-иелер ажы-төлүн канчаар өөредип, камгалап болур?
-
Ажы-төл ада-иезинге хүндүткелди канчаар көргүзүп болур?
-
Неделя санында өг-бүле мөгейиишкининге үени аңгылап алыры чүге чугула?
НЕМЕЛДЕ
Ажы-төлдү чуртталгага канчаар белеткээр?
Назылай берген ада-иезин ажаап-карактап турар улуска Библияда кандыг сүмелер бар?
«Назылай берген ада-иезин ажаап-карактаарынга хамаарыштыр Библияда чүнү чугаалаан?» (веб-статья)
Бир эр кижи ажы-төл кижизидер дуржулга чок-даа болза, канчаар эки ада апарганын көрүңер.
Ачазы оглу-биле харылзаазын канчаар экижидип ап болур?
«Адалар оолдары-биле канчаар чоок хамаарылгалыг болурул?» («Таңныыл суургазы» ноябрь 1, 2011 чыл)
a Библиядан алырга, кижизидилгеже өөредири, чагыыры, кезедири кирип турар. Куду көөрү азы каржы хамаарылга көргүзери шын эвес (Чугаалар 4:1).
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
